මෙතෙක් වගා නොකර අත්හැර දමා ඇති දිවයින පුරා පිහිටි කුඹුරු ඉඩම් ආහාර බෝග වගා කිරීම සඳහා වසර 05 කට රජයට පවරාගන්නා බව කෘෂිකර්ම අමාත්‍යංශය පවසයි.
එවැනි ඉඩම් හඳුනාගැනීම ගොවිජන සේවා දෙපාර්තමේන්තුව මඟින් සිදුකිරීමට නියමිත අතර ඒවා ඉඩම් නොමැති පුද්ගලයින්ට වගා කිරීම සඳහා පවරා දීමට නියමිතයි.
එහිදී වගා කිරීමට උනන්දුවක් දක්වන තරුණ ප්‍රජාවට ප්‍රමුඛතාව ලබාදෙන බවයි කෘෂිකර්ම අමාත්‍යංශය සඳහන් කරන්නේ.
දැනට ඇස්තමේන්තු කර ඇති පරිදි දිවයින පුරා පුරන් කුඹුරු හෙක්ටයාර ලක්ෂයකට වඩා පවතින බව සඳහන්.
ASK
