සටහන – රුවන් නෙළුගොල්ල
ප්රමිතියෙන් තොර එන්නත් තොගයක් මිලදී ගැනීමෙන් රජයට රුපියල් කෝටි ගණනක පාඩුවක් සිදුකිරීම සහ රෝගීන්ගේ ජීවිත අනතුරේ හෙළීම සම්බන්ධයෙන් රක්ෂිත බන්ධනාගාරගත කර සිටින ජාතික ඖෂධ නියාමන අධිකාරියේ හිටපු ප්රධාන විධායක නිලධාරී වෛද්ය විජිත් ගුණසේකර ඊයේ (13) දිනයේදී කොළඹ ජාතික රෝහලේ හෘද රෝග අංශයට ඇතුළත් කර ඇති බව වාර්තා වේ.
ඒ අනුව, මේ වනවිට මෙම සිද්ධිය සම්බන්ධයෙන් අත් අඩංගුවට ගෙන රක්ෂිත බන්ධනාගාරගත කර සිටින හිටපු ඉහළ සෞඛ්ය නිලධාරීන් දෙදෙනෙකු කොළඹ ජාතික රෝහලේ ප්රතිකාර ලබමින් සිටින බව සඳහන්.
මේ සම්බන්ධ නඩුව අද (14) දිනයේදී මාලිගාකන්ද මහේස්ත්රාත් අධිකරණය හමුවේ කැඳවීමට නියමිතව තිබේ.
