01. හිටපු අමාත්‍ය නවීන් දිසානායක ජනාධිපති ලේකම් කාර්යාලයේදී ජනපති රනිල් වික්‍රමසිංහ මහතා ඉදිරියේ සබරගමුව පළාත් නව ආණ්ඩුකාරවරයා ලෙස දිවුරුම් දෙයි.
02. චීනයේ සාමාන්‍ය රේගු පරිපාලනය සමඟ අවබෝධතා ගිවිසුමක් අත්සන් කිරීමෙන් පසු ශ්‍රී ලංකාව ඇමෙරිකානු ඩොලර් බිලියන 15 ක් සමඟ චීන මුහුදු ආහාර වෙළඳපොළට යළි ඇතුළු වෙයි – මුහුදු ආහාර අපනයනය සඳහා අවසර ලබා ගැනීම සඳහා නව ගුණාත්මක සහ නිරෝධායන ප්‍රොටෝකෝල සමඟ චීන වෙළඳපොළ විවෘත කිරීමට අපේක්ෂා කරයි: මෙම ගිවිසුම මගින් ශ්‍රී ලංකාවේ සමාගම් 38 කට ජලජ නිෂ්පාදන 29 ක් ඇතුළුව දේශීය නිෂ්පාදන 33 ක් ඉතා පහසුවෙන් චීනයට අපනයනය කිරීමට ඉඩ සැලසේ.
03. කොළඹ යුධ හමුදා රෝහලේ ප්‍රධාන ශල්‍යකර්මයක් මගින් ලොව විශාලතම සහ බරම වකුගඩු ගල් (කලනය) ඉවත් කිරීමෙන් ශ්‍රී ලංකාව ගිනස් ලෝක වාර්තා පොතට ඇතුළත් වෙයි – ගලෙහි දිග සෙන්ටිමීටර 13.372ක් වන අතර බර ග්‍රෑම් 801කි: කොළඹ යුධ හමුදා රෝහලේ ජෙනිටෝ මෞත්‍රලිංගික අංශය අංශයේ ප්‍රධානී මෞත්‍රලිංගික අංශ විශේෂඥ වෛද්‍ය ලුතිනන් කර්නල් (වෛද්‍ය) කේ. සුතාර්ෂන්, කපිතාන් (වෛද්‍ය) ඩබ්ලිව්.පී.එස්.සී පතිරත්න සහ වෛද්‍ය තමාෂා ප්‍රේමතිලක සමඟ එක්ව ශල්‍යකර්මයට නායකත්වය දුන්හ. නිර්වින්දන විශේෂඥ වෛද්‍යවරුන් ලෙස කර්නල් (වෛද්‍ය) යූ.ඒ.එල්.ඩී පෙරේරා සහ කර්නල් (වෛද්‍ය).එස්.අබේසිංහ ද දායක වූහ.
04. ශ්‍රී ලංකාවේ පුළුල්ව පැතිරී ඇති ආහාර අනාරක්ෂිතභාවය පිළිබඳ මාධ්‍ය චෝදනා ජනාධිපති ලේකම් කාර්යාලය තරයේ ප්‍රතික්ෂේප කරයි – එක්සත් ජාතීන්ගේ ආහාර හා කෘෂිකර්ම සංවිධානය (FAO) සහ ලෝක ආහාර වැඩසටහන (WFP) විසින් නිකුත් කරන ලද බෝග සහ ආහාර සුරක්ෂිතතා තක්සේරු මෙහෙයුම් (CFSAM) වාර්තාව ශ්‍රී ලංකාවේ සියලුම පළාත්වල ආහාර සුරක්ෂිතතාවයේ දියුණුවක් පෙන්නුම්කරන බව මේ වාර්තාවෙන් කියවුන බව ජනාධිපති ලේකම් කාර්යාලය විසින් පවසයි.
05. වාහන ඇතුළු භාණ්ඩ කිහිපයක් සඳහා ආනයන සීමා පැනවීමෙන් පසු ශ්‍රී ලංකා රේගුව තම ඉලක්කගත ආදායමට ලඟා නොවීම පිළිබඳ කනස්සල්ල මතු කරයි – ඉහත සඳහන් ආනයන සීමාවන් පවතින තාක් කල් ඔවුන්ට තම ඉලක්කගත ආදායම ලබා ගැනීමට නොහැකි වනු ඇතැයි ඔවුන් මැසිවිලි නඟයි; ඔවුන්ගේ ආදායමෙන් 20%කට ආසන්න ප්‍රමාණයක් වාහන ආනයනයෙන් අය කරන බදු මගින් ලබා ගනී.
06. ජනපති රනිල් වික්‍රමසිංහ මහතා ලබන සතියේ එක්සත් රාජධානියට සහ ප්‍රංශයේ පැරිස් සමාජය (Paris Club) හමුවීමට නියමිතය – මේ වනවිට ශ්‍රී ලංකාවේ ඇස්තමේන්තුගත විදේශ ණය ප්‍රමාණය ඇමෙරිකානු ඩොලර් බිලියන 42ක් පමණ වේ: පැරිස් සමාජය ශ්‍රී ලංකා ණය ප්‍රතිව්‍යුහගත කිරීමේ වැඩසටහනේ ප්‍රධාන කොටස්වලින් එකකි.
07. 2023 ඔක්තෝම්බර් සිට ඉස්තාන්බුල් සහ කොළඹ අතර තුර්කි ගුවන් සේවය ශ්‍රී ලංකාවට සෘජු ගුවන් ගමන් සේවා අරඹයි – මෙම පියවර මගින් දිවයිනේ සිටින මගීන්ට කෙටි දුර ගුවන් ගමන් සහ කෙටි සම්බන්ධතා කාලය හරහා තුර්කි අගනුවර සිට රටවල් 129 කට පහසුවෙන් ගමන් කිරීමට ඉඩ සැලසෙයි.
08. සමාලෝචනයක් පවත්වා මාස තුනකට වරක් ඖෂධ මිල අඩු කිරීමට පියවර ගන්නා බව සෞඛ්‍ය අමාත්‍ය කෙහෙළිය රඹුක්වැල්ල ප්‍රකාශ කරයි – ජුනි 15 සිට ඖෂධ මිල 16% කින් අඩු කිරීමර නියමිතය; ඉදිරි මාස දෙක තුළ ඖෂධ හිඟය අවම කිරීම සහ මිල ගණන් 90% කින් පමණ අඩු කිරීම ඇතුළු කාර්යයන් සම්පූර්ණ කිරීමට හැකි වනු ඇතැයි ප්‍රකාශ කරයි.
09. මහබැංකු අධිපති නන්දලාල් වීරසිංහ, JAIC හිල්ටන් හි පැවති ශ්‍රී ලංකා රක්ෂණ සංගමයේ (IASL) විධායක කමිටුවේදී ආර්ථිකය සහ රක්ෂණ කර්මාන්තය කෙරෙහි එහි බලපෑම පිළිබඳ අදහස් බෙදා ගනියි – IASL හි සභාපති චන්දන එල්. අලුත්ගම මහතාගේ ප්‍රධානත්වයෙන් යුත් විධායක කමිටුව විසින් සැසිවාරය මෙහෙයවන ලදී.
10. ලකුණු 215ක ඉලක්කයක් හඹාගිය නෙදර්ලන්තය කඩුලු 3කින් පරදවමින් ශ්‍රී ලංකාව ICC සුදුසුකම් ලැබීමේ පෙරහුරු තරගයකදී ජයග්‍රාහී ලෙස නැගී සිටී – ශ්‍රී ලංකා පන්දු යවන්නන් නෙදර්ලන්ත පිතිකරණ ලැයිස්තුව ලකුණු 214කට සීමා කරයි: ශ්‍රී ලංකා පිතිකරුවෝ ත්‍රාසජනක අන්දමින් ජයග්‍රහණය ලබා ගනිමින් පන්දුවාර 38කදී කඩුලු 7ක් දැවී තම ඉලක්කය හඹා ගියහ.
