සබරගමුවේ අධ්‍යාපන ක්ෂේත්‍රයට විශාල සේවයක් කරන්න බලාපොරොත්තු වෙනවා – නවීන් (VIDEO)

Date:

නව ආණ්ඩුකාරවරයා වශයෙන් තම හැකියාවන් භාවිතා කර සබරගමු පළාතට විශාල සේවයක් ඉටුකිරීමට බලාපොරොත්තු වන බව නවීන් දිසානායක මහතා පවසයි.

“මම මේක භාරගැනීමට ප්‍රධාන කාරණා දෙකක් තියෙනවා. එකක් තමයි මම කැබිනට් ඇමතිවරයෙක් වශයෙන් කටයුතු කරලා අවුරුදු 10, දැන් ඇයි මම පළාතකට යන්නේ ? ඒකට ප්‍රධාන හේතුව, පළාත් සභාවක් නැති තැන ආණ්ඩුකාරවරයාට තමයි ඔක්කොම බලතල තියෙන්නෙ. ඉතින් මම ඒ බලතල පාවිච්චි කරලා සබරගමු පළාතට විශාල සේවයක් කරන්න බලාපොරොත්තු වෙනවා. දෙවැනි එක තමයි අපි ජනාධිපතිතුමාගෙන්ම ඉගෙන ගත්ත දෙයක් තමයි අභියෝගවලට මුහුණ දෙන එක. විශේෂයෙන් මූල්‍ය අර්බුදයක් තියෙන අවස්ථාවක, රජයේ වියදම් කපා හරින අවස්ථාවක මම මෙතනට ගිහිල්ලා මම බලාපොරොත්තු වෙනවා මගේ හැකියාවෙන් විශේෂයෙන්ම පෞද්ගලික අංශයෙන් මුදල් ලබාගෙන සබරගමුවේ අධ්‍යාපන ක්ෂේත්‍රයට විශාල සේවයක් කරන්න. මට ඒක කරන්න පුළුවන් නම් මාස 18ක් වගේ කාලයක් තුළ මම ලබන ජයග්‍රහණයක්. මම හැමවෙලේම සුබවාදීව බලන පුද්ගලයෙක්. රට දවසින් දවස හොඳ අතට හැරෙනවා. අඩුපාඩු ගොඩක් තියෙනවා. අපි ඒවා එකින් එක හදාගන්න ඕනේ. මේක දෛවෝපගත සිද්ධියක්. මගේ පියා තමා පළාත් සභා හඳුන්වා දුන්නේ. එයාගේ පුතා විදියට මම ආණ්ඩුකාරයෙක් වීම දෛවෝපගත සිදුවීමක්. මම බලාපොරොත්තු වෙනවා උපරිම වශයෙන් සබරගමු ජනතාවට සේවය කරන්න”

නවීන් දිසානායක මහතා මේ බව පැවසුවේ සබරගමු පළාත් ආණ්ඩුකාරවරයා වශයෙන් ඊයේ (13) දිවුරුම් දීමෙන් අනතුරුව මාධ්‍ය වෙත අදහස් දක්වමිනි.

RN

Share post:

spot_imgspot_img

Popular

More like this
Related

ආපදා මරණ 132ක් ලෙස ඉහළට. 176ක් අතුරුදහන්!

කොළඹ LNW:දිවයිනට බලපා තිබෙන අයහපත් කාලගුණික තත්ත්වය හේතුවෙන් මේ...

දිට්වා කුණාටුවේ අලුත්ම තත්ත්වය – කාලගුණේ අලුත්ම වාර්තාව මෙන්න!

කොළඹ LNW:දිට්වා සුළි කුණාටුව යාපනය සිට නැගෙනහිර දෙසින් කේන්ද්‍රගතව...

ඩෙල්කිට් වතු යායේ ප්‍රින්ස් ලියෝන් කොටසේ පවුල් 21ක් ආපදා සහන මධ්‍යස්තාන වෙත!

රෂිකා හෙන්නායක නොවැම්බර් 29, කොළඹ LNW : කලුතර දිස්ත්‍රික්කය ,අගලවත්ත...

තවත් නාය යාමකින් පුද්ගලයින් 21 අතුරුදන්: පොලීසිය අතුරුදන් පුද්ගලයන් සොයා මෙහෙයුම් අරඹයි!

රෂිකා හෙන්නායක නොවැම්බර් 29, කොළඹ LNW : වරකාපොළ පොලිස් වසමේ...