සටහන – පුලී
ජූනි 17, ලෝකය (අවුට්බවුන්ඩ් ටුඩේ): ගුවන් සේවා විශේෂඥයෙකු සහ ප්රවීණ ගුවන් නියමුවෙකු වන කපිතාන් ස්ටීව් ෂීබ්නර් ට අනුව, සහය නියමුවාගේ බරපතල දෝෂයක් නිසා එයාර් ඉන්දියා ගුවන් යානය වන AI171 හි ඛේදජනක ඉරණමට හේතුව වී ඇති බවත්, එහි සිටි 241 දෙනා සහ බිම සිටි දුසිම් ගණනක් මිය යාමටත් එය බලපෑ බවත් ඔහු නිගමනයක් ඉදිරිපත් කර තිබේ.
ලන්ඩන් ගැට්වික් බලා පිටත් වූ බෝයිං 787 ඩ්රීම්ලයිනර් යානය ජුනි 12 වන දින ගුජරාටයේ අහමදාබාද් සිට ගුවන් ගත වී මිනිත්තු කිහිපයකට පසු කඩා වැටුණි.
ඇමරිකානු ගුවන් සේවයේ හිටපු නියමුවෙකු වන කපිතාන් ෂීබ්නර්, ගුවන් යානයේ පාලනය තුළ සිදුවිය හැකි වැරැද්දක් පෙන්වා දෙමින් ඔහුගේ න්යාය ඔහුගේ යූ ටියුබ් නාලිකාව ඔස්සේ බෙදා ගත්තේය.
ඔහුට අනුව, එයාර් ඉන්දියා ගුවන් යානයේ සහය නියමුවාට ගොඩබෑමේ ජියරය ආපසු ගැනීමට උපදෙස් දී ඇති නමුත් වැරදීමකින් ෆ්ලැප් ලීවරය ඇද ඇති බව ප්රකාශ කරයි.
“මෙය මගේ මතය පමණයි,” ෂීබ්නර් අවධාරණය කළේය.
නමුත් කැප්ටන්, “ජියර් අප්” යැයි පැවසූ විට, සහය නියමුවා අහම්බෙන් ජියර් ලීවරය නොව, ෆ්ලැප් ලීවරය අල්ලාගෙන ඇති බව මම විශ්වාස කරමි. එය සිදු වූයේ නම්, යානය හදිසියේම පාලනය නැති වී කඩා වැටීමට හේතුව එය පැහැදිලි කළ හැකිය.” මෙය ඔහු දැරූ මතයයි.
සාමාන්ය තත්වයන් යටතේ, ගුවන්ගත වීමේදී එසවුම් බලවේග හේතුවෙන් ගුවන් යානයේ පියාපත් දෘශ්යමාන නැමීමක් පෙන්වන බව ඔහු පැවසීය. කෙසේ වෙතත්, වාර්තා වන පරිදි වීඩියෝ දර්ශන වල මෙය නොපෙනේ.
මේ අතර, ඉන්දියාවේ ගුවන් අනතුරු විමර්ශකයින් ගුවන් යානයේ කළු පෙට්ටි දත්ත පිරික්සීම ආරම්භ කර ඇති අතර අනතුරට පෙර දිනවලදී ගුවන් යානය ක්රියාත්මක කළ නියමුවන් සහ කාර්ය මණ්ඩලය සමඟ සම්මුඛ සාකච්ඡා පවත්වමින් සිටී. මෙම පියවර මගින් ව්යසනය වටා ඇති තත්වයන් පිළිබඳව පැහැදිලි කිරීමක් යම්තාක් දුරට ලබා ගත හැකිවනු ඇත.
