ගාල්ල දිස්ත්‍රික්කයේ වැලිවිටිය දිවිතුර ප්‍රාදේශීය සභාවේ සභාපති ධුරය ශ්‍රී ලංකා පොදුජන පෙරමුණට හිමිව තිබේ.
ඒ, ඊයේ (18) පැවති ඡන්ද විමසීමේදී ය.
මන්ත්‍රී ධුර 15 කින් සමන්විත වැලිවිටිය දිවිතුර ප්‍රාදේශීය සභාව සඳහා පසුගිය මැතිවරණයේදී ජාතික ජන බලවේගයට මන්ත්‍රී ධුර 07 කුත් විපක්ෂයට මන්ත්‍රී ධුර 8 කුත් වශයෙන් බෙදී ගොස් තිබිණි.
ඒ අනුව කිසිදු පක්ෂයකට බහුතර බලයක් නොමැති හෙයින් ඊයේ පැවති එම සභාවේ මංගල සභාවාරයේදී සභාපති සහ උප සභාපති තෝරාගැනීම සඳහා ඡන්ද විමසීමක් පැවැත්විණි.
එහිදී සභාපති ධුරය ශ්‍රී ලංකා පොදුජන පෙරමුණේ පී. එම්. වසන්තට ද උප සභාපති ධුරය සමගි ජන බලවේගයේ තුසිත චාමරට ද හිමිවිය.
