නිශ්මං රණසිංහ ජුනි 19, කොළඹ LNW:
වියට්නාමයේ පැවත්වෙන ආසියානු කණිෂ්ඨ මල්ලවපොර සූරතාවලිය නියෝජනය කරන නිපුනි වාසනා ධර්මදාස කිලෝ ග්රෑම් 50 බර පංතියේ ලෝකඩ පදක්කම සඳහා වූ තරගයේදි උස්බෙකිස්තාන ක්රීඩිකාවක වන මුස්තාරියි ටොලිප්බෙකෝවා ඉදිරියේ පරාජයට පත් වුණා.මෙහිදී රන් පදක්කම ඉන්දියාවේ ප්රියන්සි ප්රජාපාත්ට හිමි වූ අතර රිදි පදක්කම දිනා ගැනීමට සමත් වූයේ මොංගෝලියානු ක්රීඩිකා මරාල් ටන්ගිර්බර්ගෙනොවාට යි.p
නිපුනි වාසනාවට පදක්කම අහිමි වීමට මුල් වූ මෙම ක්රීඩිකාවන් තිදෙනා ඉදිරියේ ඇය පරාජය ලැබුවත් පළමු තරගය ජය ගැනීමට සමත් වෙමින් ඇය තරගාවලිය එම තිදෙනාට පමණක් පසුපසින් සිට අවසන් කිරීමට සමත් විම සුවිශේෂි ජයග්රහණයක් ලෙස හැඳින්විය හැකියි.එම තිදෙනාම 19 හැවිරිදි නිපුනිට වඩා ජාත්යන්තර අත්දැකීම් ඇති ක්රීඩිකාවන් වන අතර එම තත්ත්වය මත නිපුනි අනාගතය වෙනුවෙන් සුරක්ෂිත කර තබා ගත යුතු සම්පතක් ලෙස හැඳින්විය හැකියි.
