අද පෙරවරුවේ වව්නියාව නගරයේ ජනතාව මාර්ග අවහිර කරමින් විරෝධතාවල නිරත විය. ඉන්ධන ලබාදෙන්නැයි ඉල්ලා ජනතාව මෙසේ විරෝධතාවයේ නිරතව සිටි බවයි වාර්තා වන්නේ.
මෙම විරෝධතා හේතුවෙන් A9 මාර්ගය ඇතුළු නගරයේ මාර්ග රැසක වාහන ධාවන කටයුතුවලට බාධා පැමිණි බවද වාර්තා වේ.
ඉන්ධන අර්බුදය හේතුවෙන් සැපයුම දැඩිලෙස සීමා කිරීමට ඛනිජ තෙල් නීතිගත සංස්ථාව පියවර ගත් අතර මේ නිසා රටේ බොහෝ ප්‍රදේශවල ඉන්ධන ලබා ගැනීම සඳහා දින ගණන් පෝලිමේ සිටීමට ජනතාවට සිදුව තිබේ.
මේ නිසා ඉන්ධන පෝලිම් ආශ්‍රිතව ගැටුම්කාරී තත්වයන් පවා වාර්තාවෙමින් තිබෙනවා. ජනතාව පාලනය කිරීම සඳහා පොලීසිය මෙන්ම යුද හමුදාවද යොදවා තිබෙන නමුත් ඔවුන්ටද ජනතා විරෝධය පාලනය කරගත නොහැකි වී තිබෙනවා.
UN
