සටහන – රුවන් නෙළුගොල්ල
පසුගිය ආණ්ඩුවේ මැති ඇමතිවරුන් ඇතුළු ප්‍රබලයින් 28 දෙනෙකුගේ වත්කම් පිළිබඳ විමර්ශනයක් අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසය විසින් ආරම්භ කර තිබේ.
ඒ අනුව නාමල් රාජපක්ෂ, මහින්ද යාපා අබේවර්ධන, මහින්ද අමරවීර, චාමර සම්පත් දසනායක, රෝහිත අබේගුණවර්ධන, පවිත්‍රා වන්නිආරච්චි, කංචන විජේසේකර, සාගල රත්නායක, ජානක තිසකුට්ටි ආරච්චි, වජිර අබේවර්ධන, මහීපාල හේරත්, අනුර ප්‍රියදර්ශන යාපා, මනූෂ නානායක්කාර, වඩිවේල් සුරේෂ්, තුෂාර සංජීව පතිරණ, හර්ෂණ රාජකරුණා, ශානක්කියන් රාසමානික්‍කම්, ශිවනේසතුරෙයි චන්ද්‍රකාන්තන් හෙවත් පිල්ලෙයාන් හා ශාන්ත අබේසේකර යන හිටපු මැති ඇමතිවරුන් සහ වත්මන් පාර්ලිමේන්තු මන්ත්‍රීවරුන් එම ලැයිස්තුවට ඇතුළත්ව ඇත.
එමෙන්ම හිටපු ආරක්ෂක මාණ්ඩලික ප්‍රධානී, ජනරාල් ශවේන්ද්‍ර සිල්වා මහතාගේ දේපළ සම්බන්ධයෙන් ද විමර්ශනයක් ආරම්භ කර ඇති බවත් වාර්තා විය.
මොවුන් විසින් අයථා ලෙස ඉපයූ මුදල් යොදවා දේපළ මිලදීගෙන ඇති බවට ලැබුණු පැමිණිලිවලට අදාළව මෙම විමර්ශනය ආරම්භ කර ඇති බවත් අදාළ විමර්ශනයේදී යම්කිසිවෙකු අයථා ලෙස මුදල් උපයාගෙන ඇති දේපළ මිලදීගෙන ඇති බවට අනාවරණය වුවහොත්, ඒවා රජයට පවරාගෙන අවශ්‍ය අධිකරණ ක්‍රියාමාර්ග ගැනීමට නියමිත බවත් සඳහන්.
