කොළඹ LNW: පොහොර හිඟයක් ඇති කිරීමට හෝ අධික මිලට පොහොර විකිණීමක් සිදුකළ හොත් ඊට එරෙහිව දැඩි ලෙස නීතිය ක්‍රියාත්මක කිරීමට කටයුතු කරන බව නියෝජ්‍ය අමාත්‍ය නාමල් කරුණාරත්න මහතා පවසයි.
ලෝක වෙළෙඳ පොළේ පොහොර මිල වැඩිවීමක් සිදුවුවද මෙරටට සැලකිය යුතු පොහොර ප්‍රමාණයක් ගෙනවිත් තිබෙන හෙයින් පොහොර හිඟයක් ඇති නොවන බවයි නියෝජ්‍ය අමාත්‍යවරයා සඳහන් කරන්නේ.
එමෙන්ම මෙරට පවතින්නේ කලින් ගෙන්වන ලද පොහොර නිසා ඒවායෙහි මිල වැඩිවීමක් සිදුනොවන බව කරුණාරත්න මහතා කියාසිටියි.
ඒ අනුව යම්කිසි හෝ තැනක පොහොර සම්බන්ධයෙන් අකටයුත්තක් සිදුවන්නේ නම් ඒ පිළිබඳව අදාළ පාර්ශව වෙත පැමිණිලි කරන ලෙසද නියෝජ්‍ය අමාත්‍යවරයා ගොවිජනතාවගෙන් ඉල්ලා සිටියි.
ආශිකා බ්‍රාහ්මණ
