රෂිකා හෙන්නායක ජූනි 22, කොළඹ LNW :
බණ්ඩාරවෙල කොස්ලන්ද ප්‍රදේශයේ පාසලක විදුහල්පතිවරයා දස හැවිරිදි පාසල් සිසුවියකට ලිංගික අතවර කළ බවට සැකපිට අත්අඩංගුවට ගෙන ජූලි 10 වන දින දක්වා රක්ෂිත බන්ධනාගාර ගත කරන ලදී. ’’56 හැවිරිදි සැකකරු දරුවන් දෙදෙනෙකුගේ පියෙකි.
පහ වසර ශිෂ්‍යත්ව විභාගයට පෙනී සිටින සිසුන්ට උපකාර කිරීම සඳහා ඔහු පාසලෙන් පසු පන්ති පවත්වා ඇති බවත්, වින්දිතයා ඔවුන්ගෙන් එක් අයෙකු බවත් විමර්ශනවලින් හෙළි වී ඇත.
දැරියගේ දෙමව්පියන්ගෙන් ලැබුණු පැමිණිල්ලක් මත විමර්ශන සිදුකරන අතරතුර පොලිසිය ඔහුව අත්අඩංගුවට ගත්තේය. කොස්ලන්ද පොලිසියේ ස්ථානාධිපති ඕ.සී. සුබසිංහ පරීක්ෂණ පවත්වා සැකකරු අධිකරණයට ඉදිරිපත් කළ බව වාර්තා වේ.
