සටහන – රෂිකා හෙන්නායක ජුනි 23 , කොළඹ (LNW):
මෙරටට වසරකට ඩොලර් මිලියන 300ක ආදායමක් පොල් කටු අපනයනය කිරීමෙන් පමණක් ලැබෙන බව, පොල් සංවර්ධන අධිකාරියේ සභාපති මහාචාර්ය රොෂාන් පෙරේරා පවසයි.
පොල් කටුවලින් චාකෝල් නිෂ්පාදනය කර සක්රිය කාබන් ලෙස අපනයනය කෙරෙන බවත්, පොල් කටු වැඩි වශයෙන් අපනයනය කෙරෙන්නේ ඇමරිකාවට බවද ඔහු කීවේය. පොල් කටු කිලෝවක් රුපියල් 36ක් වැනි මිලකට සක්රිය කාබන් නිෂ්පාදනය සඳහා මිලදී ගැනෙන බවද ඔහු පැවසීය.
පොල් කටු සඳහා විදේශ වෙළෙඳපොළේ විශාල ඉල්ලුමක් පවතින බැවින් පොල් කටු විනාශ නොකර ඒවා ආදායම් උපයාගත හැකි මාර්ගයක් ලෙස භාවිතා කිරීමට හැකි බව පොල් සංවර්ධන අධිකාරිය පවසයි. මෙරට වාර්ෂික පොල් නිෂ්පාදනය ගෙඩි බිලියන 03ක් බවද පැවසීය.
