සහල් පාලන මිල සම්බන්ධයෙන් ඊයේ (22) දින පැවති මාධ්ය හමුවකදී ඩඩ්ලි සිරිසේන මහතා සහ නිව් රත්න සහල් අධිපති මිත්රපාල මහතා අතර උණුසුම් තත්ත්වයක් ඇති වුණා.
රජයේ පාලන මිල යටතේ නාඩු සහල් අලෙවි කිරීමට නොහැකි බවත් එහි මිල වැඩිවීමක් අවශ්ය බව විව් රත්න සහල අධිපතිවරයා කළ ප්රකාශය හේතුවෙනුයි එම උණුසුම් තත්ත්වය හට ගැනුණේ.
මහා පරිමාණ සහල් නිෂ්පාදකයෙකු වන ඩඩ්ලි සිරිසේන මහතා දිගින් දිගටම අවධාරණය කළේ රජයේ පාලන මිලට යටත්ව සහල් අලෙවිය සිදුවිය යුතු අතර තවදුරටත් සහල් මිල ඉහළ දැමීමකට එකඟ විය නොහැකි බවයි.
ඒ මොහොතේ ආවේගශීලිව කතා කළ ඩඩ්ලි සිරිසේන මහතා පැවසුවේ මෙතෙක් කල් පැවති සහල් මාෆියාව තිබුණු තැන දැන් හඳුනා ගැනීමට හැකි බවයි.
කෙසේවෙතත් අවසානයේදී දේශපාලකයන් හා ව්යාපාරිකයින් අතර ජනතාව තැලී පොඩි වීම නම් යහමින් සිදුව තිබෙන බව ඊයේ මේ සහල් කෙළියෙන් හොඳින්ම අවධාරණය වුණි.
ASK
