කොළඹ කොටස් වෙළඳපොල පසුගිය ජුනි 12 වනදා සිටම ක්රමිකව කඩාවැටීමක් පෙන්නුම් කරමින් තිබේ.
කෙසේවෙතත් ඊයේ (23) දිනයේදී ගනුදෙනු දෙස බැලීමේදී පෙනී යන්නේ කොළඹ කොටස් වෙළඳපොලෙහි විදේශීය මිලදී ගැනීම් කැපී පෙනෙන ලෙස වර්ධනය වී ඇති බවයි.
පහතින් පළකෙරෙන සොෆ්ට්ලොජික් කොටස් තැරැව්කරුවන්ගේ වාර්තා අනුව ඊයේ දිනයේදී විදේශීය මුදල් ගලනය පෙර දිනයට වඩා 263.55% කින් වැඩිවී ඇති බවකි.
පසුගිය මාස කිහිපය තුළ අසාමාන්ය වේගයකින් වර්ධනය වූ කොළඹ කොටස් වෙළඳපොල මේ වනවිට පසුබාමින් සිටින අතර කොටස් මිල පහළ බසිද්දී විදේශීය ගනුදෙනුකරුවන් අඩු මිලට කොටස් මිලදී ගනිමින් සිටින බවක් මෙයින් පෙන්නුම් කෙරේ. නැවත වතාවක් කොටස් මිල එක්වරම ඉහළ යන්නට පටන්ගත් විට ඔවුන් මේ කොටස් වැඩිමිලට විකුණා තම මුදල් ඉවත් කරගනු දක්නට හැකිවනු ඇත.
