ආශිකා බ්‍රාහ්මණ
කොළඹ LNW:ත්‍රස්තවාදය වැළැක්වීමේ පනත යාතේ අපරාධ පරීක්ෂණ දෙපාර්තමේන්තුව විසින් තමන්ව අත්අඩංගුවට ගැනීම වළක්වන ලෙස ඉල්ලා හිටපු ජනාධිපති ගෝඨාභය රාජපක්ෂ විසින් අභියාචනාධිකරණය හමුවේ ඉදිරිපත් කර තිබෙන පෙත්සම සලකා බැලීම අද (24) සිදුකිරීමට නියමිතයි.
ඒ අනුව අද දිනයේදී ඊට අදාළ තීන්දුව ලැබෙනු ඇති.
පසුගිය 18 වැනි දිනද එය සලකා බැලූ අතර වැඩිදුර කරුණු සලකාබැලීම සඳහා අද දිනට කල් තැබීය.
පාස්කු ඉරු දින ත්‍රස්ත ප්‍රහාර මාලාවට අදාළව සිදුකෙරෙන විමර්ශනයන්ට යටත්ව තමන්ව අත්අඩංගුවට ගැනීම වළක්වා ලන ලෙසයි හිටපු ජනාධිපතිවරයා එම පෙත්සම මඟින් ඉල්ලා ඇත්තේ.
මේ වන විටත් හිටපු ජනාධිපතිවරයාට විදෙස් ගමන් තහනම් කර අධිකරණය නියෝගයක්ද නිකුත් කර තිබේ.
