අධිකරණ සේවා කොමිෂන් සභාව විසින් මොරටුව මහේස්ත්රාත් තිලින ගමගේට එරෙහිව චෝදනා පත්රයක් ගොනුකර තිබේ.
ඒ, අනීතික ලෙස අලි පැටවෙකු තමන් සන්තකයේ තබාගැනීම සම්බන්ධයෙනි.
එම චෝදනා පත්රයේ සඳහන් විෂමාචාර / වැරදි අනුව ඔහුව සේවයෙන් පහ නොකිරීමට හෝ වෙනත් අයුරකින් දඬුවම් නොපැමිණවීමට හේතු ඇතොත් දින 21ක් තුළ දැනුම් දෙන ලෙසයි අධිකරණ සේවා කොමිෂන් සභාව මහේස්ත්රාත්වරයාට දැනුම් දී ඇත්තේ.
මෙම සිද්ධියට අදාළව තිලින ගමගේ මහේස්ත්රාත්වරයාව මීට පෙර වැඩ තහනමකට ද ලක්කර තිබූ අතර මීට අදාළව කොළඹ මහාධිකරණය හමුවේ නඩුවක් ද ගොනුකර තිබිණි.
කෙසේවෙතත් එම නඩුවෙන් ඔහුව නිදොස්කොට නිදහස් කිරීමට 2021 දෙසැම්බර් 21 වනදා කොළඹ මහාධිකරණය නියෝග කළ අතර ඉන් අනතුරුව ඔහුව නැවත සේවයෙහි පිහිටුවන ලදී.
මේ අතර, ආරංචිමාර්ග පැවසුවේ මහාධිකරණ විනිසුරුවරුන් වශයෙන් උසස්කිරීම සඳහා මෑතකදී සකස් කෙරුණු මහේස්ත්රාත්වරුන්ගේ නම් ලැයිස්තුවෙහි ද තිලින ගමගේගේ නම ඉහළින්ම සඳහන්ව ඇති බවය.
