පසුගිය වසරේ ඔවුන් රත්රන් අපනයනයෙන් පවුම් බිලියන 12.6ක් (ඩොලර් බිලියන 15.45ක්) උපයා ඇත.
රුසියාව සඳහා ඩොලර් බිලියන දස දහස් ගණනක් උපයා දෙන ප්‍රධාන අපනයනයක් වන රුසියානු රත්රන්, ලෝකයේ ධනවත්ම ජාතීන් විසින් ප්‍රතික්ෂප කර ඇති බව මියුනිච් හි පැවැත්වෙන ජී 7 සමුළුව අතරතුර ජෝ බයිඩන් සඳහන් කර ඇත. මේ සම්බන්ධයෙන් නිල ප්‍රකාශය අඟහරුවාදා (28) ප්‍රකාශයට පත් කරනු ඇති බව ජාත්‍යන්තර මාධ්‍ය අනාවරණය කර තිබේ.
බ්‍රිතාන්‍ය අගමැති බොරිස් ජොන්සන් ප්‍රකාශයක් නිකුත් කරමින් කියා සිටියේ රන් තහනම “රුසියානු කතිපයාධිකාරීන්ට සෘජුවම පහර දෙන අතර පුටින්ගේ යුද යන්ත්‍රයේ හදවතට පහර දෙනු ඇති” බවයි.
පසුගිය වසරේ ඔවුන් රත්රන් අපනයනයෙන් පවුම් බිලියන 12.6ක් (ඩොලර් බිලියන 15.45ක්) උපයා ඇත.
ඊයේ (26) ඇරඹි පළමු සැසිය තුළ ගෝලීය ආර්ථිකය කෙරෙහි අවධානය යොමු කරන අතර යුක්රේනයේ ගැටුම උද්ධමනය සහ බලශක්ති මිල ගණන් ඉහළ යාම පිළිබඳ සාකච්ඡා කොට තිබේ. ඒ අනුව යමින් මෙම තීරණය ගනු ලැබූ බව විදෙස් මාධ්‍ය අනාවරණය කර තිබේ.
රුසියාවට විදේශ මුදල් සංචිතවලට ප්‍රවේශය අවහිර කිරීම සඳහා එහි මහ බැංකුවේ වත්කම් කැටි කිරීම ඇතුළුව, එහි මූල්‍ය ඉලක්ක කර ගනිමින් බටහිර ජාතීන් මොස්කව් වෙත පුළුල් සම්බාධක පනවා ඇත. තවද මොස්කව් සඳහා අත්‍යවශ්‍ය අරමුදල් ප්‍රභවයක් කපා හරිමින් වසර අවසන් වන විට රුසියානු තෙල් ආනයනයෙන් සියයට 90ක් කපා හැරීමට යුරෝපීය සංගමයේ නායකයෝ මේ මස මුලදී එකඟතාව ප්‍රකාශ කර ඇති බව ජාත්‍යන්තර මාධ්‍ය අනාවරණය කර තිබේ.
