බ්‍රිතාන්‍යය තුළ ත්‍රස්තවාදී සංවිධානයක් ලෙස දෙමළ ඊළාම් විමුක්ති කොටි සංවිධානයට (LTTE) පනවා ඇති තහනම ඉවත් කරන ලෙස දෙමළ ඊළාම් දේශාතික්‍රාන්ත ආණ්ඩුවේ ආරුමුගම් ඇතුළු පිරිස ඉදිරිපත් කළ අභියාචනය (LTTE vs. SSHD PC/06/2022) POAC විසින් පසුගියදා (21) ප්‍රතික්ෂේප කෙරුණි.
බ්‍රිතාන්‍යයේ තහනම් සංවිධාන පිළිබඳ අභියාචනා කොමිසම ගත් මේ තීරණයත් සමග TGTE ය සිය ඉදිරි ස්ථාවරය නුදුරේදීම ප්‍රකාශ කිරීමට නියමිතය.
බ්‍රිතාන්‍යයේ තහනම් සංවිධාන පිළිබඳ අභියාචනා කොමිසම (POAC) විසින් දෙමළ ඊළාම් විමුක්ති කොටි සංවිධානය (LTTE), බ්‍රිතාන්‍යය තුළ තහනම් සංවිධානයක් බවට පනවා තිබූ තහනම පසුගියදා අභියෝගයට ලක්කළ දෙමළ ඊළාම් දේශාතික්‍රාන්ත ආණ්ඩුවේ ආරුමුගම් සහ වෙනත් අය එදිරිව (LTTE vs. SSHD PC/06/2022 POAC) 2024 ජූනි 21 දිනැති තීරණයකින් මෙම ප්‍රතික්ෂේප කිරීම සිදුවිය.
මෙම නඩුව එක්සත් රාජධානියේ ස්වදේශ කටයුතු දෙපාර්තමේන්තුවේ රාජ්‍ය ලේකම් (SSHD) විසින් LTTE ය තහනම් කිරීමට එරෙහිව TGTEවිසින් ගෙන ආ දෙවන නීතිමය අභියෝගය විය.
පළමුවැන්න නම්, තහනම් සංවිධාන පිළිබඳ අභියාචනා කොමිසම(POAC) විසින් ස්වදේශ කටයුතු දෙපාර්තමේන්තුවේ තීරණය දෝෂ සහිත බව සොයාගත් අතර, මේ පිළිබඳ නැවත සලකා බැලීම සඳහා ආපසු යොමු කෙරුණු අතර එහි අවසන් ප්‍රතිඵලය වූවේ ස්වදේශ කටයුතු දෙපාර්තමේන්තුවේ තහනම අඛණ්ඩව පවත්වාගැනීමට කටයුතු කිරීමය. මෙම නඩුව එම තීන්දුවට එරෙහිව යොමුකළ අභියාචනයකි.
සභාපතිවරයාම පැවසූ පරිදි, මෙම නඩුව දැඩි ආසන්න එකක් වුවද, එය ‘සියුම්ව සමතුලිත විය’, තහනම් සංවිධාන පිළිබඳ අභියාචනා කොමිසමවිසින් ස්වදේශ කටයුතු දෙපාර්තමේන්තු ලේකම්ගේ තීරණය තහවුරු කළේය.
LTTE ය නැවත නැවතත් සඳහන් කළේ ස්වදේශ කටයුතු දෙපාර්තමේන්තුවේ තීරණයට එ‍රෙහි නීතිමය අභියෝගය ‘කුසලතා මත පදනම් වූ අභියාචනයක් නොවන බවයි’. සහ ‘එල්ටීටීඊ ය දිගටම තහනම් කිරීම සාධාරණය ද යන්න, නමුත්, ක්‍රියාවලියේ ද්‍රව්‍යමය දෝෂයක් නොමැති බව සහතික කිරීම සඳහා පමණක්’ යැයි පැවසීම තහනම් සංවිධාන පිළිබඳ අභියාචනා කොමිසමට අදාළ නොවේ.
ස්වදේශ කටයුතු දෙපාර්තමේන්තුවේ තීරණය තහවුරු කිරීමේදී, LTTE ය ත්‍රස්තවාදයට සූදානම් වූ බව නිගමනය කරමින්, ඇතැම් සිදුවීම් පිළිබඳ විශ්වාසය තැබීමට අයිතියක් ඇති බව තහනම් සංවිධාන පිළිබඳ අභියාචනා කොමිසම සොයාගත්තේය. එම සිදුවීම් අතරට 2020 ජූලි 4 වන දින කිලිනොච්චියේදී හිටපු LTTE බුද්ධි අංශ ක්‍රියාකාරිකයෙකු විසින් IED බෝම්බයක් පිපිරීමක්, 2020 දෙසැම්බර් 2 වන දින බස් රථයක බෑගයක සඟවාගත් ක්ලෝමෝ බෝම්බයක් සන්ත‍කයේ තබාගත් බව කියන යුවළක් අත්අඩංගුවට ගැනීම ඇතුළු සිද්ධි ඇතුළත්ය. මැයි 18 වැනි දින දෙමළ ඊළාම් සයිබර් බලකාය විසින් ශ්‍රී ලංකා රජයේ වෙබ් අඩවියකට සයිබර් ප්‍රහාරයක් එල්ල කිරීම ද මීට ඇතුළත්ය.
TGTE තර්ක කළේ ලංකාවේ මූලාශ්‍ර වලින් හෝ ඒකාධිපති රාජ්‍යයක නීති පද්ධතියක සොයාගැනීම් විශ්වාස කළ හැකි හෝ විශ්වාසදායක නොවන බවයි. කෙසේ වෙතත්, තහනම් සංවිධාන පිළිබඳ අභියාචනා කොමිසම පැවසු‍වේ, TGTE විසින් ‘එම ලේඛන ගිණුමෙන් බැහැර කිරීමට අවශ්‍ය ප්‍රමාණවත් සාක්ෂියක් ස්ථාපිත කිරීමට අපොහොසත් වූ බවයි’.
ස්වදේශ කටයුතු ලේකම්වරයාට ලබාදී ඇති උපදෙස්වලට පටහැනිව, LTTE තහනම් කර ඇත්තේ රටවල් 6 ක (ශ්‍රී ලංකාව, ඉන්දියාව, මැලේසියාව, එක්සත් රාජධානිය, ඇමරිකා එක්සත් ජනපදය හා කැනඩාව) පමණක් බව TGTE තර්ක කළේය.
එක්සත් ජාතීන්ට අයත් රටවල් 193 න් තවත් රටවල් 27 ක (යුරෝපා සංගමයේ සාමාජික රටවල් 26 ක්) ඔවුන්ගේ සම්බාධක ලැයිස්තුවට LTTE ය ඇතුළත් කර ඇත.
ස්වදේශ කටයුතු දෙපාර්තමේන්තුව විසින් වැරදි සිදුකර ඇති බව තහනම් සංවිධාන පිළිබඳ අභියාචනා කොමිසම පිළිගත් නමුත්, එම වැරදි ස්වදේශ කටයුතු දෙපාර්තමේන්තුව ගත් තීරණය සම්බන්ධව දැඩි වෙනසක් ඇතිනොකරනු ඇත.
එපමණක් නොව, තහනම ඉවත් කළහොත් ඉන්දියාව හා ශ්‍රී ලංකාව සමඟ ද්විපාර්ශ්වික සබඳතාවලට හානි පැමිණෙනු ඇති බවට ‘එක්සත් රාජධානි ආණ්ඩුවේ ඉන්දු – පැසිෆික් නැඹුරුව’ මත පදනම් වූ විදේශ, පොදුරාජ්‍ය මණ්ඩලීය හා සංවර්ධන කාර්යාල (FCDO) හි උපදෙස්, තහනම් සංවිධාන පිළිබඳ අභියාචනා කොමිසමට පෙනී ගොස් ඇත. ‘ගෝලීය වශයෙන් තහනම් කර ඇති ත්‍රස්තවාදී හා ත්‍රස්තවාදී කණ්ඩායම්වලට එරෙහිව සහයෝගීතා ශක්තිමත් කිරීමේ අවශ්‍යතාවය’ යන සන්දර්භයයි.
ශ්‍රී ලංකාවේ වෙනම දෙමළ රාජ්‍යයක් වෙනුවෙන් පෙනී සිටි පිරිසට එක්සත් රාජධානිය තුළ සිය දැක්ම ඉදිරියට ගෙනයාමට හා දෙමළ ඊළාම් ලාංඡනය ප්‍රදර්ශනය කිරීමට ඇති අයිතියට බලපෑම් කිරීම සම්බන්ධයෙන්, එල්ටීටීඊ ධජය හා දෙමළ ඊළම අතර ව්‍යාකූලත්වයක් පවතින බව තහනම් සංවිධාන පිළිබඳ අභියාචනා කොමිසම පිළිගත් අතර ජාතික කොඩිය හා සියලුම පොලිස් නිළධාරීන් සූක්ෂ්මතා තේරුම් නොගන්නා බව පිළිගත්තේය.
‘ඉදිරියේදී වැරදි වැටහීම් ඇතිවීමට ඇති ඉඩකඩ අවම කිරීම සඳහා පොලීසිය සමඟ අඛණ්ඩව ප්‍රජා සම්බන්ධතා පැවැත්වීම’ යනුවෙන් POACය මෙහිදී අවධාරණය කළේය. එමෙන්ම, LTTE ය ට සමාන ශ්‍රී ලංකාවේ ඊසානදිග දෙමළ රාජ්‍යයක් පිළිබඳ පරමාදර්ශය TGTE සතුව පවතින අතරම ස්වදේශ කටයුතු ලේකම්වරයා TGTE ය ට විරුද්ධව කිසිදු ක්‍රියාමාර්ගයක් ගෙන නොමැති බව ද මෙහිදී අවධාරණය කෙරුණි.
TGTE ය එහි නීතිඥ පීටර් හේන්ස්, කේ.සී හා ශාන්ති සිවකුමාරන්‍ මෙන්ම මහජන උනන්දුව පිළිබඳ නීති මධ්‍යස්ථා‍න‍යේ (PILC) සොලිසිටර් පෝල් හෙරොන් මේ කටයුත්තට දැක්වූ අසහාය කාර්යභාරය වෙනුවෙන් ණයගැතිය.
ජාත්‍යන්තර සාමය හා වගවීම සම්බන්ධයෙන් නීතියේ වැදගත් කාර්යභාරය සැලකිල්ලට ගනිමින්, TGTE විසින් ඊළාම් දෙමළ ජනතාව වෙනුවෙන්වූ යුක්තිය ඉටුකිරීමට නීතිමය කටයුතු අඛණ්ඩව සිදුකරගෙන යනු ඇත.
බ්‍රිතාන්‍යයේ තහනම් සංවිධාන පිළිබඳ අභියාචනා කොමිසම ගත් මේ තීරණයත් සමග TGTE ය සිය ඉදිරි ස්ථාවරය නුදුරේදීම ප්‍රකාශ කිරීමට නියමිතය.
RN
