දැන් පෙනෙන ආකාරයට නම් විපක්ෂය පාර්ලිමේන්තුවේ නොව බන්ධනාගාරයේ බලය අල්ලනු ඇති බව ජාතික ජන බලවේගයේ පාර්ලිමේන්තු මන්ත්‍රී අරුණ පනාගොඩ මහතා පවසයි.
“දැන් මට පෙනෙන විදියට ඒගොල්ලො බන්ධනාගාරයේ බලය අල්ලනවා. පාර්ලිමේන්තුවේවත් ආණ්ඩුවේවත් කොහෙවත් බලය අල්ලනවා නෙවෙයි, හිරගෙදර බලය අල්ලනවා වගේ තියෙන්නෙ. නීතියට උඩින් හිටපු කට්ටියට දැන් නීතියට යටත් වෙන්න සිද්ධවෙලා තියෙනවා. හොරුන්ගෙත් හොරු කම්බා හොරු කියනවානෙ, නේද ? පාතාලයින්ගෙනුත් කප්පම් ගන්න ඊට වඩා ලොකු පාතාලයො ඉන්න ඇති. අපි දැක්කා ඔය කියන කෑගහන කට්ටිය පිස්තෝල ඉල්ල ඉල්ලා හිටියෙ ඕකට තමයි”
අරුණ පනාගොඩ මන්ත්‍රීවරයා මේ බව පැවසුවේ ඊයේ (27) මීගොඩ ප්‍රදේශයේ පැවති උත්සවයකින් අනතුරුව මාධ්‍ය වෙත අදහස් දක්වමිනි.
