නවය ; සැඟවුණු කතාව නමින් තමන් රචනා කළ පොතේ සඳහන් කරුණු සම්බන්ධයෙන් හැකි නම් නඩු පවරන ලෙස හිටපු හමුදාපති, ආරක්ෂක මාණ්ඩලික ප්රධානී ශවේන්ද්ර සිල්වා මහතාට තමන් අභියෝග කරන බව ජාතික නිදහස් පෙරමුණේ නායක විමල් වීරවංශ මහතා පවසයි.
“අරගලය සහ ඇමරිකාව අතර තිබුණු සබඳතාව පිළිබඳව මම ලියපු පොතේ අන්තර්ගත කරුණුවලින් තමන්ට අගතියක් වුණා කියලා ආරක්ෂක මාණ්ඩලික ප්රධානී ශවෙන්ද්ර සිල්වා මට එන්තරවාසියක් එවලා. ඒ “ගහපු ගේම” ගැන, අපි පොතේ ලියා නැති ඒවාත් උසාවියේ දී සාක්ෂි සහිතව ඔප්පු කර පෙන්වීමට සූදානම්. මම ඔහුට අභියෝග කරනවා, හැකිනම් නඩු පවරන්න කියලා”
විමල් වීරවංශ මහතා මේ බව පැවසුවේ කුරුවිට සමූපකාර සම්මන්ත්රණ ශාලාවේ පැවති රැස්වීමක් අමතමිනි.
RN
