කොළඹ LNW:තවදුරටත් ශ්‍රී ලංකා නිදහස් පක්ෂයේ මහ ලේකම්වරයා ලෙස කටයුතු කිරීමට නීතිමය අවසරය තිබෙන පාර්ලිමේන්තු මන්ත්‍රී දයාසිරි ජයසේකර මහතාට පක්ෂ මූලස්ථාන කාර්යාලයට ඇතුල් වීමට අද (05) ඉඩක් නොලැබුණි.
ඒ පක්ෂයේ සභාපතිවරය ලෙස අමාත්‍ය නිමල් සිරිපාල ද සිල්වා මහතා විසින් දයාසිරි ජයසේකර මහතා පක්ෂ මූලස්ථානයට ඇතුල් වීම වළක්වාලීම සඳහා කර තිබෙන පැමිණිල්ල හේතුවෙනි.
කෙසේවෙතත් දයාසිරි ජයසේකර මහතාට සහය පළකරමින් ශ්‍රීලනිප පාක්ෂිකයින් කණ්ඩයමක් ඩාර්ලි පාරේ පක්ෂ මූලස්ථානය ඉදිරිපිට රැස්ව සිටි අතර එම ස්ථානයට පොලිස් ආරක්ෂාවද යොදවා තිබුණි.
ඒ අනුව කිසිවෙකුට හෝ ශ්‍රී ලංකා නිදහස් පක්ෂයේ මූලස්ථානය වෙත ඇතුල් වීමට අවසර නොලැබුණි.
තවදුරටත් තමන් පක්ෂයේ මහ ලේකම්වරයා ලෙස කටයුතු කිරීමේ නීතිමය බලය ලැබී තිබියදීත් නිමල් සිරිපාල ද සිල්වා අමාත්‍යවරයාගේ මෙම බාධා කිරීම අධිකරණයට කර තිබෙන අපහාසයක් හෙයි ඊට එරෙහිව අධිකරණ ක්‍රියාමාර්ග ගන්නා බවයි දයාසිරි ජයසේකර මහතා අවධාරණය කළේ.
ආශිකා බ්‍රාහ්මණ
