නිමල් සිරිපාල ද සිල්වා මහතා වරාය, නාවික හා ගුවන් සේවා අමාත්‍ය ධුරයෙන් තාවකාලිකව ඉවත්ව ඇති බව වාර්තා වේ. ජනාධිපති ගෝඨාභය රාජපක්ෂ මහතාගේ උපදෙස් මත මෙම පියවර ගෙන ඇති බවයි වාර්තා වන්නේ.
ගුවන් සේවා අමාත්‍යංශය සහ පෞද්ගලික සමාගමක් අතර සිදු වූ ගනුදෙනුවක් සම්බන්ධයෙන් චෝදනා එල්ල වී ඇති අතර විපක්ෂ නායක සජිත් ප්‍රේමදාස මහතා මේ සම්බන්ධයෙන් ඊයේ පාර්ලිමේන්තුවේදී ප්‍රශ්න කළේය.
ඒ පිළිබඳව ජනාධිපතිවරයා සිය අවධානය යොමුකර ඇති අතර ජනාධිපතිවරයා උපදෙස් ලබා දී තිබෙන්නේ අදාල චෝදනාව සම්බන්ධයෙන් කඩිනමින් පරීක්ෂණ සිදු කරන ලෙසයි.
අදාල පරීක්ෂණ අවසන් වනතුරු අමාත්‍ය ධුරයේ කටයුතුවලින් තාවකාලිකව ඉවත් වන්නැයි ජනාධිපතිවරයා නිමල් සිරිපාල ද සිල්වා මහතාට උපදෙස් ලබා දී තිබේ.
UN
