පොහොර ඉල්ලා ජනාධිපති මන්දිරයට යන්න ගිය සමඟි ගොවි බලවේගයට කඳුළු ගෑස් සහ ජල ප්‍රහාරයක් එල්ල කර තිබුණි.
පසුගිය කාලය තුළ සිදු වූ වග හානි වලට වන්දි ඉල්ලා අද (06) සමඟි ගොවි බලවේගය කොළඹ මහාධිකරණයේ නඩුවක් පැවරීමට කටයුතු කර තිබුණු අතර සිය අවනඩුව පැවසීමට ජනාධිපති මන්දිරය වෙත එම ගොවි පිරිස පැමිණ තිබුණි.
කොටුව ජනාධිපති මන්දිරයට යන මාර්ගයට මාර්ග බාධා යොදමින් අවහිර කර තිබෙන හෙයින් එම මාර්ග බාධක බිඳ හෙළමින් ගොවි පිරිස ඉදිරියට යාමටයි උත්සහ කර තිබුණේ.
කෙසේවෙතත් ඔවුන්ට ඉදිරියට පැමිණීම වැලැක්වීම සඳහා පොලීසිය කඳුළු ගෑස් සහ ජල ප්‍රහාර එල්ල කර පිරිස විසුරුවා හැරීමට කටයුතු කර ඇත.
මෙම අවස්ථාවට සමඟි ගොවි බලවේගය සමඟ පාර්ලිමේන්තු මන්ත්‍රීවරුන් වන නලින් බණ්ඩාර, තුෂාර ඉඳුනිල් යන මහත්වරුද රැඳී සිට තිබේ.
ASK
