අපනයනය සඳහා කංසා වගාකිරීමේ නියමු ව්‍යාපෘතියට ආයෝජනය කිරීම සඳහා දැනටමත් ආයෝජකයින් 11 දෙනෙකු ඉදිරිපත් වී සිටින බව සංචාරක රාජ්‍ය අමාත්‍ය ඩයනා ගමගේ මහත්මිය පවසයි.
“රට මොන තත්වයේ තිබුණත් මේ වෙනුවෙන් ආයෝජනය කරන්න ඇවිත් ඉන්නවා 11 දෙනෙක් දැනටම. ඉතින් ඒ 11ත් එක්ක අපි ඉදිරියට යනවා නියමු ව්‍යාපෘතියක් හැටියට. දැනට මම බලලා තියෙනවා අඩුම ගාණේ ඩොලර් බිලියන හතරක් – පහක් මේකෙන් රටට ලැබෙයි”
ප්‍රශ්නය – දේශපාලකයින්ගේ සහ නිලධාරීන්ගේ කඹ ඇදිලි නිසා මේකත් ලත් තැනම ලොප් වෙයිද ?
“නෑ, මේක නම් මම ඉන්නකල් නම් ලත් තැනම ලොප් වෙන්න දෙන්නේ නෑ. අපි අර නිධානයක් උඩ ඉඳගෙන හිඟාකන ජාතියක් වගේ, හැමදේම අපට එහෙම අහක් කරන්න බෑ”
ඩයනා ගමගේ මහත්මිය මේ බව පැවසුවේ ඊයේ (05) පැවති මාධ්‍ය හමුවක් අමතමිනි.
RN
