සටහන – රෂිකා හෙන්නායක
කොළඹ (LNW): අද (06) දින බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී ඉන්දීය සංචාරක නියෝජිතයින්ගේ සමුළුව ආරම්භ වේ. සිය සංගමය ශ්‍රී ලංකාවේ මෙම සමුළුව පවත්වන්නේ වසර 18 කට පසුවයි.
අද සිට 09 වැනිදා දක්වා පැවැත්වෙන මෙම සමුළුවට ඉන්දීය ප්‍රධාන පෙළේ සංචාරක නියෝජිතයින් 700කට අධික පිරිසක් සහභාගී වන අතර මෙම සමුළුව සංගමයේ 67වැනි වාර්ෂික සමුළුවයි.
ඉකුත් අප්‍රේල් මාසයේ දී මෙම සමුළුවේදී පැවැත්වීමට නියමිතව තිබුණු නමුත් ශ්‍රී ලංකාවේ පැවැති දේශපාලන අස්ථාවර බව නිසා එය කල් දැමීමට සිදුවිය. මෙම සමුළුවේදී කළාපයේ සංචාරක කර්මාන්තය ප්‍රවර්ධනය කිරීම ගැන අවධානය යොමු කිරීමට නියමිතය.
මෙම වසරේ දී ඉන්දීය ප්‍රමුඛ පෙලේ සංචාරක ආයතන ශ්‍රී ලංකාවට සංචාරකයින් දෙගුණයක් රැගෙන එනු ඇතැයි මෙරට සංචාරක ආයතන බලාපොරොත්තුවන අතර , මෙම සමුළුව සදහා ශ්‍රී ලංකා සංචාරක ප්‍රවර්ධන කාර්යාංශය, සංචාරක මෙහෙයුම් සංගමය සහ ශ්‍රී ලංකන් ගුවන් සේවය අනුග්‍රහය දක්වයි. සමුළුවට ජනපති රනිල් වික්‍රමසිංහ, අග්‍රාමාත්‍ය දිනේෂ් ගුණවර්ධන, ඉන්දීය මහ කොමසාරිස් ගෝපාල් බග්ලේ යන මහත්වරු සහභාගී වීමට නියමිතයි .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
