හෙට සහ අනිද්දා කොළඹ කොටුව ජනාධිපති මන්දිරය ආසන්නයේ විරෝධතා පැවැත්වීම තහනම් කිරීමේ නියෝගයක් නිකුත් කරන්නැයි පොලීසිය කොළඹ කොටුම මහේස්ත්රාත් අධිකරණයෙන් ඉල්ලා තිබෙනවා.
කොළඹ කොටුව පොලිස් ස්ථානාධිපතිවරයා විසින් සිදුකළ මෙම ඉල්ලීම අතිරේක මහේස්ත්රාත් කේමින්ද පෙරේරා හමුවේ කැඳවා තිබූ අතර තහනම් නියෝගයක් නිකුත් කිරීම අතිරේක මහේස්ත්රාත්වරයා ප්රතික්ෂේප කළ බවයි වාර්තා වන්නේ.
පොලීසියේ ඉල්ලීම ප්රතික්ෂේප කරමින් විනිසුරුවරයා සඳහන් කර තිබෙන්නේ යම් අපරාධයක් සිදු වුවහොත් ඒ සම්බන්ධයෙන් කටයුතු කිරීම සඳහා පොලීසියට බලතල තිබෙන බවයි. එනිසා තහනම් නියෝගයක් නිකුත් කිරීමේ අවශ්යතාවයක් නොමැති බව අතිරේක මහේස්ත්රාත්වරයා වැඩිදුරටත් පවසා තිබෙනවා.
ජුලි 09 වැනිදාට ගෝඨා ගෝ ගම අරගලය ආරම්භ කර මාස 03 ක් සම්පූර්ණ වන අතර එදින කොළඹදී දැවැන්ත විරෝධතාවයක් පැවැත්වීමට විරෝධතාකරුවන් සූදානමින් සිටී.
UN
