සටහන – පුලී
ජූලි 09, කොළඹ (LNW): ශ්රී ලංකාවේ සුප්රසිද්ධ ව්යාපාරික කුලප්පු ආරච්චිගේ දොන් ධම්මික පෙරේරා විසින් East West Properties PLC හි කොටස් මිලියන 106.9 ක් රුපියල් බිලියන 3.2 කට මිලදී ගෙන ඇති බව වාර්තා වෙයි.
මෙය සමාගමේ නිකුත් කරන ලද කොටස් වලින් ආසන්න වශයෙන් සියයට 77.40 ක් පමණ බව සැලකේ.
කොටස් හුවමාරු ගොනු කිරීමකට අනුව, ධම්මික පෙරේරා විසින් කොටස් 106,991,848 ක් රු. 30.20 බැගින් මෙලෙස මිලදී ගෙන තිබේ. තොගය රු. 31.80 කින් අවසන් කෙරිණි.
East West Properties සතුව වර්ග අඩි 100,000 කට අධික ගබඩා ඉඩක් සහ වර්ග අඩි 30,000 ක වාණිජ කාර්යාල ඉඩක් සතු වේ. එමෙන්ම Crescat Residences හි මහල් නිවාස 32 ක් ඇතුළුව දේපළ කිහිපයක් එම සමාගම සතුය.
