ඇමරිකානු තීරුබදු සම්බන්ධයෙන් මෙතෙක් ලැයිස්තුගත කර ඇති සියලුම රටවල් අතරින් විශාලතම බදු අඩුකිරීම ලබාගැනීමට ශ්‍රී ලංකාව සමත්වී ඇති බව විදේශ කටයුතු නියෝජ්‍ය අමාත්‍ය අරුන් හේමචන්ද්‍ර මහතා පවසයි.
ඒ අනුව අප්‍රේල් මාසයේදී 44%ක් වශයෙන් නියම කෙරුණු තීරුබදු ප්‍රතිශතය ජුලි මාසය වනවිට 30%ක් දක්වා අඩුකරගැනීමට හැකිවුණු බවයි නියෝජ්‍ය අමාත්‍යවරයා සඳහන් කරන්නේ.
මෙය රජයේ ද්විපාර්ශ්වික සබඳතාවල ප්‍රගතිය සහ නිහඬ, අධිෂ්ඨානශීලී රාජ්‍ය තාන්ත්‍රිකභාවයේ ප්‍රතිඵල පිළිබිඹු කරන බවත් නියෝජ්‍ය අමාත්‍යවරයා ප්‍රකාශ කර ඇත.
මෙහිදී ඇමරිකානු පරිපාලනයේ ඵලදායී මැදිහත් වීම පිළිබඳවත් මෙම සාකච්ඡා සඳහා සහභාගී වූ ශ්‍රී ලංකාවේ නියෝජිත කණ්ඩායම පෙන්වූ වෘත්තීයමභාවය පිළිබඳවත් සිය හෘදයාංගම ස්තූතිය පුදකරන බවත් නියෝජ්‍ය අමාත්‍යවරයා වැඩිදුරටත් සඳහන් කර තිබේ.
ඒ මහතා සමාජ මාධ්‍ය ඔස්සේ නිකුත් කර ඇති සටහන පහතින් දැක්වේ.
එමෙන්ම ජනාධිපති මාධ්‍ය අංශයේ නව මාධ්‍ය අධ්‍යක්ෂ සිසිර සෙන්පති කහවත්ත මහතා ද සටහනක් තබමින් ප්‍රකාශ කර ඇත්තේ කලාපයේ අන් රටවල් අතරින් විශාලතම බදු අඩුකිරීම ශ්‍රී ලංකාව විසින් ලබාගෙන ඇති බවයි.
ඒ මහතා සමාජ මාධ්‍ය ඔස්සේ පළ කළ සම්පූර්ණ සටහන සහ ඡායාරූප පහතින් දැක්වේ.
