සටහන: සශිකලා මධුෂාණි
ජුලි 11; ලෝකය(අවුට්බවුන්ඩ් ටුඩේ): රුසියානු විදේශ අමාත්‍ය සර්ජි ලැව්රොව් උපායමාර්ගික සකච්ජා සඳහා ජූලි මස 11-13 දිනවල කොරියානු ප්‍රජාතන්ත්‍රවාදී මහජන ජනරජයට පැමිණීමට නියමිත බව රුසියානු රාජ්‍ය මාධ්‍ය ඒජන්සිය වන TASS වාර්තා කර තිබේ.
ලැව්රොව්ගේ සංචාරය රුසියානු-උතුරු කොරියානු සබඳතා සඳහා තීරණාත්මක අවස්ථාවකට පැමිණ ඇති අතර රුසියාව කෙරෙහි එක්සත් ජනපදය වඩ වඩාත් කලකිරීමට පත්ව ඇති අවස්ථාවක සිදුවෙමින් පවතී.
යුක්රේනයට මොස්කව්හි මහා පරිමාණයෙන් කරන ලද ප්‍රහාරයට සහාය වීම සඳහා පියොන්යැං අතිරේක සොල්දාදුවන් 25,000 ත් 30,000 ත් අතර සංඛ්‍යාවක් යෙදවීමට නියමිත බව යුක්රේන බුද්ධි අංශ වාර්තා කර ඇති අතර යුධ පිටියේ සිදුවූ දරුණු පාඩු නොතකා මේවන විට උතුරු කොරියාව රුසියාවේ යුද්ධයට වැඩි වැඩියෙන් ඒකාබද්ධ වී ඇත. බටහිර නිලධාරීන්ට අනුව,
රුසියාවේ උතුරු කොරියානු සොල්දාදුවන් 4,000 ක් පමණ මිය ගොස් හෝ තුවාල ලබා ඇති බව ඇස්තමේන්තු කර ඇති අතර පසුගිය මාසයේ එක්සත් ජාතීන්ගේ සාමාජික රටවල් 11 ක වාර්තාවක සඳහන් වූයේ, 2024 දී ප්යොංයැං පාලනය රුසියාවට අවම වශයෙන් බැලස්ටික් මිසයිල 100 ක් සහ කාලතුවක්කු උණ්ඩ මිලියන 9 ක් යවා ඇති බවයි.