සටහන – රුවන් නෙළුගොල්ල
සුරේන්ද්ර වසන්ත පෙරේරා නොහොත් ක්ලබ් වසන්ත ඝාතන සිද්ධිය සම්බන්ධයෙන් අත් අඩංගුවට ගත් සැකකරුවකු මාධ්ය ඉදිරියේ තබාගෙන ප්රශ්න කරමින් ඔහුගෙන් ප්රකාශයක් ගත් පොලිස් නිලධාරීන් පිරිස අත් අඩංගුවට ගෙන ඔවුන්ට එරෙහිව නීතිමය ක්රියාමාර්ග ගත යුතු බව අධිකරණ අමාත්ය විජේදාස රාජපක්ෂ මහතා පවසයි.
මෙවැනි ක්රියා හේතුවෙන් අධිකරණ ක්රියාදාමය පිළිබඳ ජනතාවට ඇති විශ්වාසය බිඳවැටෙන අතර මෙවැනි නිලධාරීන් සමග අපරාධ නඩු විභාග කරන්නේ කෙසේද යන්නම ප්රශ්නයක් බවයි අමාත්යවරයා සඳහන් කළේ.
“පොලිසිය නඩුව අහලා ඉවරයි. විනිසුරුවරුන්ට කරන්න දෙයක් නැහැ. මහා ව්යාකූල තත්වයක් …
මේ වගේ දෙයක් වුණාම විනිසුරුවරයෙකුට වගකීමක් තියෙනවා ඒ තැනැත්තාව අත්අඩංගුවට ගන්න. එයා පොලිස් නිලධාරියෙක්ද, හමුදා නිලධාරියෙක්ද කියලා අදාළ නැහැ. ඒක තමයි මේ රටේ නීතිය. ඒ වගේම පොලිස්පතිවරයාටත් වගකීමක් තියෙනවා මේ වගේ නිලධාරීන් සම්බන්ධයෙන් කටයුතු කරන්න.
මේ වගේ නිලධාරීන් එක්ක අපරාධ නඩු විභාග කරන්නේ කොහොමද ? මේ විදිහට අපරාධ නඩු විසඳන්න පුළුවන්ද ? මේ වගේ දේවල් වෙනකොට අවසානයේදී අධිකරණ ක්රියාදාමය පිළිබඳ මේ රටේ මිනිස්සුන්ට තියෙන විශ්වාසය බිඳ වැටෙනවා. ඒකෙන් වෙන්නේ රට අරාජික වීමක්”
අමාත්යවරයා මේ බව පැවසුවේ අදාළ සිද්ධිය සම්බන්ධයෙන් අද (12) පාර්ලිමේන්තුවේදී දයාසිරි ජයසේකර මන්ත්රීවරයා නැඟූ ප්රශ්නයකට පිළිතුරු ලබාදෙමිනි.
