*
Monday, September 23, 2024
spot_img

Latest Posts

විනිසුරුගේ දෙමළ කම හෙලා දුටු සරත් වීරසේකරට උතුරේ විරෝධය

ආණ්ඩුවේ මන්ත්‍රීවරයකු පාර්ලිමේන්තු වරප්‍රසාද වලට මුවාවී විනිශ්චයකාරවරයකුගේ ජාතිය හෙලා දකිමින් අධිකරණයට බලපෑම් කිරීම දෙමළ දේශපාලන නායකයෝ හෙළා දකිති.

දෙමළ දේශපාලන නායකයන් පෙන්වා දෙන්නේ කුරුන්තුර්මලේ පුරාවිද්‍යා භුමියේ ඉදිකර ඇති මතබේදාත්මක කුරුන්දි විහාරයට අදාළ නඩුවට දෙමළ විනිසුරකු මැදිහත් වෙන බව පවසමින් සිංහල ජනයා අතර ජාතිවාදී හැඟීම් ඇවිස්සීමට පාර්ලිමේන්තු මන්ත්‍රී සරත් වීරසේකර වෑයම් කරන බවයි.

 හිටපු මහජන ආරක්ෂක අමාත්‍යවරයකුද වන රියර් අද්මිරාල් වීරසේකරගේ ප්‍රකාශය හෙලා දකින යෝජනාවක් ඒකමතිකව සම්මත කළ මුලතිව් නීතිඥ සංගමය ඊයේ (11 අඟහරුවාදා) මුලතිව් උසාවිය අබියස විරෝධතාවක් පැවැත්වීමට නියමිතය

මුලතිවු මහේස්ත්‍රාත් ටී.සරවනරාජා සමග වීරසේකර මන්ත්‍රීවරයාගේ ආරෝව හටගෙන ඇත්තේ ජුලි 4 වැනිදා කුරුන්තුර්මලේ පුරාවිද්‍යා භූමියේදී පැවති උසාවි විමර්ශනයක් අතරතුර අදහස් ප්‍රකාශ කිරීමට සැරසුණු ඔහු නවත්වා ලීමට විනිසුරුවරයා පියවර ගැනීමයි.

කුරුන්තුර්මලේ පුරාවිද්‍යා වැඩබිමේ උසාවි නියෝග නොතකා ඉදිකිරීම් කරන බවට ආදිසිවන් අයියර් කෝවිල් පරිපාලක සභාව කළ පැමිණිල්ල ගැන එම ස්ථානයට ගොස් විමර්ශනයක් කිරීමට මහේස්ත්‍රාත් සරවනරාසා ඇතුළු සියලු පාර්ශව එහි ගොස් සිටියදී පාර්ලිමේන්තු මන්ත්‍රී සරත් වීරසේකර ද එහි පැමිණ සිටියේ තවත් ගිහි පැවිදි පිරිසක් සමගිනි.

උසාවි විමර්ශනය කෙරෙන අතර තුර බෞද්ධ භික්ෂුන් විසින් එහි ආගමික වතාවත් කිරීමට සැරසීමේදී  මහේස්ත්‍රාත්වරයාගෙන් නියෝගයෙන් එය අත්හැර දැමුණු අවස්ථාවේ ඒ සම්බන්ධයෙන් කරුණු දැක්වීමට සරත් වීරසේකර මන්ත්‍රීවරයා උත්සාහ දරා තිබේ.

 එහෙත් ඔහුගේ අදහස් දැක්වීම ප්‍රතික්ෂේප කළ සරවනරාජා විනිසුරුවරයා කියා සිටියේ මන්ත්‍රීවරුන්ගේ, දේශපාලඥයන්ගේ හෝ ආගමික නායකයන්ගේ අදහස් පල කිරීමට අවසර දිය නොහැකි බවයි. අධිකරණ කටයුත්තක් බැවින් නීතිඥයන්ගේ කරුණු දැක්වීම් පමණක් ප්‍රමාණවත් බව ඔහු අවධාරණය කර සිටියේය.

වෙනත් මන්ත්‍රීවරුන් ද පැමිණ සිටියද ඒ කිසිවකුටත් නිරීක්ෂණය පැවැත්වෙන අවස්ථාවේ කිසිදු අදහසක් පල කිරීමට ඉඩ නුදුන් බවත් මහේස්ත්‍රාත්වරයා කියා සිටියේය.

 ආණ්ඩුවේ මන්ත්‍රීවරයාගේ තර්ජනාත්මක ප්‍රකාශය හෙළා දකිමින්, කුරුන්තුර්මලේ පුරාවිද්‍යා වැඩබිම සම්බන්ධ උසාවි නියෝගය උල්ලංඝණය කර ඇත්දැයි බැලීමටඅනෙකුත් පාර්ශවයන් සමග විනිසුරුවරයා එහි පැමිණි බව ඉලංගෙයි තමිල් අරසු කච්චි මාධ්‍ය ප්‍රකාශක, පාර්ලිමේන්තු මන්ත්‍රී  එම්.ඒ. සුමන්තිරන් පවසයි.

” සරත් වීරසේකර මන්ත්‍රීවරයා පාර්ලිමේන්තු වරප්‍රසාද යොදා ගෙන තමන්ගේ වගකීම ඉටුකරන්න ආපු නඩුකාරයාව විවේචනය කිරීම නුසුදුසු වැඩක්.”

ලංකාව සිංහල බෞද්ධයන්ගේ රටක් යයි කියමින් සිංහල ජාතිවාදය අවුස්සන මේ මන්ත්‍රීගේ අදහස් තමාට පිලිගත නොහැකි බව දෙමළ ජනතා ජාතික සන්ධානයේ නායක, පාර්ලිමේන්තු මන්ත්‍රී සී.වී විග්නේශ්වරන් සඳහන් කරයි.

මෝඩකමයි, චන්කඩිමයි

” ඉතිහාසය දන්නේ නැතිව ලංකාව සිංහල -බෞද්ධ රටක් කීම ඔහුගේ මෝඩ කම ප්‍රදර්ශනයක්. නඩුකාරයාට අපහාස, තර්ජන කිරීම නම් නින්දිතයි. මට පේන්නේ වීරසේකර චන්ඩියෙක් වෙන්න හදන්නේ.”

 පාර්ලිමේන්තු වරප්‍රසාද යොදා ගෙන මුලතිවූ මහේස්ත්‍රාත්වරයා බිය වැද්දීමටත්, සිංහලයන් අතර ජාතිවාදය ඇවිස්සිමත් මොහුගේ මුලික අරමුණ වී ඇති බවට මනාව පෙන්නුම් කරන බවට දෙමළ ජාතික ජනතා පෙරමුණේ ප්‍රධාන ලේකම්, පාර්ලිමේන්තු මන්ත්‍රී සෙල්වරාසා ගජේන්ද්‍රන් අවධාරණය කරයි.

” කුරුන්තුර්මලේට දෙමළ නඩුකාරයෙක් මැදිහත් වෙනවා. උතුරු නැගෙනහිර උසාවිවලින් දෙන නියෝග පිලිගන්න ඕනේ නැහැ වගේ දේවල් පෙන්නලා වීරසේකර මේ හදන්නේ සිංහල ජනතාව අතර දෙමළ මිනිස්සුන්ට එරෙහිව ජාතිවාදය අවුස්සන්න, ” යැයි TNPF ප්‍රධාන ලේකම්වරයා පවසයි.

මුලතිව් මහේස්ත්‍රාත්වරයාට එරෙහිව රියර් අද්මිරාල් පාර්ලිමේන්තුවේ කළ ප්‍රකාශය සම්බන්ධයෙන් ශ්‍රී ලංකා නීතිඥ සංගමය හෝ අධිකරණ සේවා කොමිසන් සභාව හෝ කිසිත් කී බවක් දැනගන්නට නැත.

මේ අතර උසාවි නියෝගයට පටහැනිව නව ඉදිකිරීම් සිදු කර ඇත්ද යන්න ගැන පුරාවිද්‍යා දෙපාර්තමේන්තුවේ සහ පොලිසියේ වාර්තා අගෝස්තු 08 වැනිදා ඉදිරිපත් කළ යුතු බවට මුලතිව් මහේස්ත්‍රාත් ටී. සරවනරාසා නියෝග කර ඇත.

https://theleader.lk/

Latest Posts

spot_img

දේශපා

Don't Miss

eskişehir escort sakarya escort sakarya escort bayan eskişehir escort bayan