වැඩබලන ජනාධිපතිවරයා ලෙස දිවුරුම් දෙමින් රනිල් වික්‍රමසිංහ මහතා ජනතාව අමතමින් විශේෂ ප්‍රකාශයක් සිදුකළේය.
ඒ අනුව වික්‍රමසිංහ මහතා විශේෂ තීන්දු තීරණ කිහිපයක් ගැනීමට නියමිත බවයි පැවසුවේ.
ජනාධිපතිවරයා හැඳින්වීමට යොදන අතිගරු නාමය සහ ජනාධිපති කොඩිය තහනම් කරන බවට වික්‍රමසිංහ මහතා අවධාරණය කරන ලදී.
මෙහිදී පුද්ගලයන් ආරක්ෂා කිරීමට වඩා රට ආරක්ෂා කිරීම ගැන සිතන ලෙසද හෙතෙම කියා සිටියේය.
”ජීවත් වීමට හා දේශපාලනය කිරීමට අපට රටක් තිබිය යුතුයි. ඒ නිසා රට ගැන සිතා රටේ ජනතාව ගැන සිතා කටයුතු කරන මෙන් සියලු දේශපාලන පක්ෂ හා කණ්ඩායම් වෙතින් ඉල්ලා සිටිනවා. මුලින්ම මේ ව්‍යාකූල තත්ත්වයෙන් රටත් ජනතාවත් බේරා ගනිමු. ඊට පසුව පක්ෂ දේශපාලනය වෙත හැරෙමු. වැඩ බලන ජනාධිපති ලෙස මට පැවරී ඇති බලය අනුව මම තව තීන්දු දෙකක් ගන්නවා. ජනාධිපති හැඳින්වීම සඳහතා අතිගරු යන වචනය දීම නිල වශයෙන් තහනම් කරනවා. ඒ වගේම ජනාධිපති කොඩිය අහෝසි කරනවා. රටකට තියෙන්න ඕනේ එක කොඩියයි. ජාතික කොඩිය විතරයි. අපි ඉදිරියට යා යුත්තේ එක කොඩියක සෙවණ ලබමින්.”
මේ වන විට නව ප්‍රවේශයකින් ගමනක් යාමේ පසුබිම සැකසී ඇති බවද හෙතෙම ප්‍රකාශ කළේය.
ASK
