ශ්‍රී ලංකා පොදුජන පෙරමුණේ ඉදිරි දේශපාලන කටයුතු පිළිබඳ සාකච්ඡා කිරීම සඳහා එම පක්ෂයේ මහනුවර දිස්ත්‍රික් ප්‍රධානීන් කැඳවමින් පැවති විශේෂ රැස්වීමකට පොහොට්ටුවේ මහනුවර දිස්ත්‍රික් ප්‍රබලයින් තිදෙනෙකුම පැමිණ නොමැති බව වාර්තා වේ.
එම විශේෂ රැස්වීම පසුගිය 12 වනදා පොහොට්ටුවේ මහනුවර දිස්ත්‍රික් ප්‍රබලයකු වන පාර්ලිමේන්තු මන්ත්‍රී ලොහාන් රත්වත්තේ මහතාගේ නිවසේදී පවත්වා ඇති අතර ඊට නියෝජිතයින් කැඳවා තිබී ඇත්තේ බැසිල් රාජපක්ෂ මහතාගේ උපදෙස් පරිදි පොහොට්ටු මහලේකම් සාගර කාරියවසම් මහතා විසිනි.
කෙසේවෙතත් කැබිනට් අමාත්‍ය කෙහෙළිය රඹුක්වැල්ලත් රාජ්‍ය අමාත්‍යවරුන් වන දිළුම් අමුණුගම සහ අනුරාධ ජයරත්නත් මෙම රැස්වීම වර්ජනය කර ඇති බව සඳහන්.
නාමල් රාජපක්ෂ මහතාගේ සහභාගීත්වයෙන් එම රැස්වීම පැවැත්වී ඇති අතර ඉහත කී අමාත්‍යවරුන් ඊට සහභාගී නොවීම මත ලබන 18 වනදා නැවතත් කොළඹ පක්ෂ මූලස්ථානයේදී නැවත සාකච්ඡාවක් පැවැත්වීමට තීරණය කර ඇති බවත් වාර්තා විය.
CW
