කොළඹ LNW: ජූලි මස අවසන් වීමට පෙර ජනාධිපතිවරණ දිනය ප්‍රකාශයට පත්කිරීමට නියමිත බව මැතිවරණ කොමිෂන් සභාව පවසයි.
අද (16) පෙරවරුවේ විශේෂ මාධ්‍ය හමුවකට එක්වෙමිනුයි මැතිවරණ කොමිසම් සභාවේ සභාපති, ආර්.එම්.ඒ.එල්. රත්නායක මහතා මේ බව කියා සිටියේ.
ඒ අනුව මැතිවරණය පැවැත්වෙන දිනය නම් කිරීම සඳහා වෙනත් කිසිදු හේතුවක් බලනොපාන අතර ඕනෑම අයෙකුට ආණ්ඩුක්‍රම ව්‍යවස්ථාව සහ ජනාධිපති පනත අනුව මෙම දින පිළිබඳ සලකා බැලිය හැකි බවයි රත්නායක මහතා පවසන්නේ.
ඡන්ද විමසීමේ දැන්වීම නිකුත් කරන දිනයේ සිට දින 16ත් – 21ත් අතර ජනාධිපතිවරණ ඡන්ද විමසීම සඳහා නාමයෝජනා භාරගැනීම සිදුකළ යුතු අතර නාමයෝජනා භාරගැනීමේ දිනයේ සිට සති 4ත් – 6ත් අතර කාලය තුළ ජනාධිපතිවරණය පැවැත්විය යුතු බව ද සභාපතිවරයා සඳහන් කරයි.
ආශිකා බ්‍රාහ්මණ
