සටහන – පුලී
ජූලි 16, කොළඹ (LNW): සුප්‍රසිද්ධ හැරී පොටර් කතා මාලාවෙහි නිළි එමා වොට්සන් අධික වේගයෙන් රිය පැදවීම සම්බන්ධයෙන් අත්අඩංගුවට ගැනීමෙන් පසු මාස හයකට රිය පැදවීම තහනම් කර ඇතැයි විදෙස් මාධ්‍ය වාර්තා කරයි.
හැරී පෝටර් කතා මාලාවෙහි හර්මයිනි ග්‍රේන්ජර් ලෙස රඟපෑ වොට්සන්, පසුගිය වසරේ ජූලි 31 වන දින සවස ඔක්ස්ෆර්ඩ් හි පැයට සැතපුම් 30 ක කලාපයකදී පැයට සැතපුම් 38 ක වේගයෙන් නිල් ඕඩි රථයක් පැදවූවාය.
35 හැවිරිදි ඇයට බදාදා වයිකොම්බ් මහේස්ත්‍රාත් අධිකරණයේදී දඩය වශයෙන් පවුම් 1,044 ක් ගෙවීමට සිදුවිය.
ඇය මිනිත්තු පහක පැවති නඩු විභාගයට සහභාගී නොවුණු අතර වොට්සන්ගේ නීතිඥ මාර්ක් හස්ලම් අධිකරණයට පැවසුවේ ඇය ශිෂ්‍යාවක් බවත්, ඇයට දඩය ගෙවීමට හැකියාව තිබෙන බවත් ය.
එමා වොට්සන් 2023 සිට ඔක්ස්ෆර්ඩ් විශ්ව විද්‍යාලයේ නිර්මාණාත්මක ලේඛනය පිළිබඳ ශාස්ත්‍රපති උපාධියක් හදාරමින් සිටී.