නිශ්මං රණසිංහ ජූලි 17, කොළඹ LNW:
ශ්‍රී ලංකා ඒ කණ්ඩායමේ මුල්පෙළ පිතිකරුවන් ප්‍රථම ඉණිමේ දී පළ කළ පිතිකරණ දුර්වලතාවලින් අත් මිදී විශිෂ්ඨ පිතිකරණයක නියැලෙමින් ඔස්ට්‍රේලියා ඒ කණ්ඩායමට එරෙහිව පැවති පළමු සිව්දින තරගය ජය පරාජයෙන් තොරව කෙළවර කර ගන්නට සමත් විය.ශ්‍රී ලංකාව පළමු ඉණිමේ දී ලකුණු 272 ට සීමා කරන්නට සමත් වූ ඔස්ට්‍රේලියාන් ඒ කණ්ඩායම ලකුණු 486 ක් රැස් කරමින් ප්‍රබල අභියෝගයක් එල්ල කළත් ශ්‍රී ලංකා දෙවන ඉණිම නුවනිඳු ප්‍රනාන්දු නොදැවී රැස් කළ ශතකය (104) පදනම් කරගෙන කඩුලු 3 ක් දැවී ලකුණු 280 ක් රැස් කරන්නට සමත් වුණා.
ලහිරු උදාර දෙවන ඉණිමේදී ද තරමක් වේගවත් ආරම්භයක් ලබා ගන්නට උත්සාහ කළ ද,පන්දු 15 දී ලකුණු 17 ක් ලබා සිටියදී ඔහු දැවී ගියේය.කමිෂ් මිෂාරට ද දිගු ඉණිමක් දියත් කරන්නට හැකියාව නොලැබුණු බැවින් ආරම්භක පිතිකරුවන් දෙදෙනාම ලකුණු 60 ක් ව තිබියදී දැවී ගොස් තිබිණ.ලකුණු 24 දි පළමු කඩුල්ල දැවී යාමෙන් පසුව පිටියට පිවිසි නුවනිඳු තෙවන කඩුල්ල සඳහා ලකුණු 113 ක සබදතාවයක් පැවත්වීය.ඊට පසිඳු සූරියබණ්ඩාර නායකත්වයේ වගකීම ඉටු කරමින් එකතු කරන ලද ලකුණු 56 ක් ඇතුළත් විය.ඉනික්බිති සිව්වන කඩුල්ලට ද නුවනිදු තවත් ලාංකේය ක්‍රිකට් අනාගත බලාපොරොත්තුවක් වන පවන් රත්නායක (නොදැවී 56) සමඟ නොබිඳි ලකුණු 107 ක සබඳතාවයක් පැවත්විය.
නුවනිඳු මෙන්ම පසිඳු සූරියබණ්ඩාර සට පවන් රත්නායකගේ පිතිහරඹය නිසා තරගය ඔස්ට්‍රේලියාව දෙසට නැමී තිබීම වෙනස් කර ගැනීමට හැකි විය.දෙවන ඉණිමේදී එම තිදෙනාද පළමු ඉණිමේදී නොදැවී ශතකයක් ලබා ගනිමින් නොනැවතී ඔස්ට්‍රේලියානු කඩුලු 4 ට ද වග කියූ සොනාල් දිනූෂ ද මෙම තරගයේ දී දැක් වූ දස්කම් නිසා ශ්‍රී ලංකාවට මේ තරගය ගෞරවණීය අවසානයක් කරා ගෙන යන්නට හැකි විය.
තරගයේ සමස්ත ලකුණු පූවරුවට මෙතනින් පිවිසිය හැකිය. https://bit.ly/40PMsfC
ඡායාරූපයේ දැක්වෙන්නේ නුවනිඳු ප්‍රනාන්දු ය.
