සටහන: සශිකලා මධුෂාණි
ජුලි 17; ලෝකය(අවුට්බවුන්ඩ් ටුඩේ): පකිස්ථානයේ පන්ජාබ් පළාතේ ඇති වූ ධාරානිපාත වර්ෂාව හේතුවෙන් ගෙවුණු පැය 24 තුළ අවම වශයෙන් පුද්ගලයින් 63 දෙනෙකු මිය ගොස් 290 දෙනෙකු තුවාල ලබා තිබේ.
පකිස්ථානයේ ජාතික ආපදා කළමනාකරණ අධිකාරියට අනුව, මියගිය බොහෝ දෙනා ගොඩනැගිලි කඩා වැටීම, දියේ ගිලීයාම හෝ විදුලි සැර වැදී මිය ගොස් ඇත.
ගංවතුර හේතුවෙන් පන්ජාබ් පුරා අධිවේගී මාර්ග කිහිපයක් වසා දමා ඇති අතර ගුවන් ගමන් විශාල ප්රමාණයක් අවලංගු කර හෝ නවතා දමා ඇත.
සති අන්තය පුරාම තවත් වැසි සහ හදිසි ගංවතුරක් අපේක්ෂා කරන බැවින් පළාතේ මහ ඇමතිනි මරියම් නවාස් පැවසුවේ ප්රදේශ ගණනාවක හදිසි අවස්ථාවක් ප්රක්ෂයට පත්කර ඇති අතර රජයේ උපදේශයනට අනුව කටයුතු කරන ලෙස ජනතාවගෙන් ඉල්ලා තිබේ.
ජුනි අග භාගයේ මෝසම් වැසි ආරම්භ වූ දා සිට මේ දක්වා රට පුරා මියගිය සංඛ්යාව 180 කට ආසන්න වේ. ඔවුන්ගෙන් අඩකට වඩා දරුවන්ය.
මිලියන 250 කට ආසන්න ජනගහනයක් වෙසෙන පකිස්ථාන, දේශගුණික විපර්යාසයන්ට නිතර ගොදුරුවන රටවල් වලින් එකකි.
