ජනාධිපතිවරයා තෝරා ගැනීම සඳහා පාර්ලිමේන්තුවේදී පැවැත්වීමට නියමිත මැතිවරණයේදී ඩලස් අලහප්පෙරුම මහතාට සහයෝගය ලබාදීමට තීරණය කළ බව ප්රජාතන්ත්රවාදී වාමාංශික පෙරමුණේ නායක වාසුදේව නානායක්කාර මහතා පවසනවා.
සාම්ප්රදායික බෙදීම්වලින් තොරව සර්වපාක්ෂික එකගතාවයකින් යුක්ත වැඩපිළිවෙලක් සකස් කර ගැනීම සඳහා ඩලස් අලහප්පෙරුම මහතා ජනාධිපති තනතුරට පත්කර ගැනීම සුදුසු වන බවත්, සියලු පක්ෂවල සහභාගීත්වයෙන් සර්ව පාක්ෂික ආණ්ඩුවක් බිහි කිරීම සඳහා වඩාත් සුදුසු පුද්ගලයා ඔහු බවත් වාසුදේව නානායක්කාර මහතා අවධාරණය කරනවා.
කෙසේ නමුත් නානායක්කාර මහතා නියෝජනය කරන ස්වාධීන පක්ෂ එකමුතුව ජනාධිපතිවරණයේදී සහාය ලබාදෙන්නේ කාටද යන්න සම්බන්ධයෙන් මේ දක්වා නිළ ප්රකාශයක් සිදුකර නොමැත. බොහෝදුරට ඔවුන් සියලුදෙනාගේ සහයෝගය ඩලස් අලහප්පෙරුම මහතා වෙත ලැබෙනු ඇති බවයි වාර්තා වන්නේ.
UN