රෂිකා හෙන්නායක ජූලි 17 කොළඹ LNW :
පාකිස්තානු තුන් ඉරියව් ක්‍රීඩක මොහොමඩ් නවාස් ජාත්‍යන්තර ක්‍රිකට් කවුන්සිලයේ තහනම් උත්තේජක නීති උල්ලංඝනය කිරීම හේතුවෙන් මාස තුනක තරඟ තහනමකට ලක්ව ඇති බව වාර්තා වේ.
2026 විස්සයි-20 ලෝක කුසලාන තරඟාවලිය අතරතුර කරන ලද පරීක්ෂණයකදී ඔහුගේ සිරුරේ තහනම් ද්‍රව්‍යයක් තිබී හමුවී ඇති අතර, ඔහු එම වරද පිළිගෙන තිබේ.
කෙසේ වෙතත්, අදාළ ද්‍රව්‍යය ක්‍රීඩා දක්ෂතා ඉහළ නැංවීමට යොදාගත් එකක් නොවන බැවින්, ඔහු පුනරුත්ථාපනය වීමේ කොන්දේසිය මත එම තහනම් කාලය කෙටි කිරීමට අවස්ථාව ලබා දී ඇත.
මෙම විනය පියවර යටතේ නෙදර්ලන්තයට එරෙහිව පැවති තරඟයේ සිට මැයි මස දක්වා ඔහු ලබාගත් සියලු වාර්තා අවලංගු කිරීමට ද පියවර ගෙන ඇත.
ස්වේච්ඡාවෙන් තරඟවලින් ඉවත්ව සිටි කාලය සැලකිල්ලට ගනිමින් ඔහුගේ අත්හිටුවීම මේ වන විට ලිහිල් කර ඇති අතර, නියමිත ප්‍රතිකාර වැඩසටහන අවසන් කිරීමෙන් පසු ඔහුට යළි ක්‍රීඩා කිරීමට හැකි වනු ඇත.
