අන්තර්ජාලය ඔස්සේ සූදු ඔට්ටු ඇල්ලීමේ ජාවාරමක නිතර වී සිටි ඉන්දීය ජාතිකයින් 21 දෙනෙකු ඊයේ (18) පෙරවරුවේ කිරුලපන ප්‍රදේශයේදී අත්අඩංගුවට ගෙන තිබේ.
මෙම පිරිස සංචාරක වීසා යටතේ මෙරටට පැමිණ වීසා ඉකුත් වූ පසුවත් නීතිවිරෝධී ලෙස කිරුලපන ප්‍රදේශයේ නිවසක රැඳී සිටිමින් මෙම ජාවාරමේ නිරත වී සිට ඇති බව සඳහන්.
ආගමන විගමන දෙපාර්තමේන්තුවේ විමර්ශන අංශය යටතේ පවතින අවදානම් තක්සේරු කිරීමේ ඒකකයේ නිලධාරීන් විසින් දත්ත විශ්ලේෂණය කිරීමෙන් පසු මේ බව අනාවරණය කරගෙන මෙම පිරිස අත්අඩංගුවට ගෙන ඇත.
අත්අඩංගුවට ගත් ඉන්දීය ජාතිකයින් සියලුදෙනා අවුරුදු 22-36ත් අතර පසුවන්නන් බව වාර්තා විය.
මෙම පිරිස වැලිසර පිහිටි රැඳවුම් මධ්‍යස්ථානයේ රඳවා තැබීමට පියවර ගෙන ඇති අතර ඔවුන්ව කඩිනමින් ඉන්දියාවට පිටුවහල් කිරීමට කටයුතු කෙරෙනු ඇති බවත් සඳහන්.
