සටහන – රුවන් නෙළුගොල්ල
අද (20) පෙරවරුවේ අත් අඩංගුවට ගත් පුත්තලම දිස්ත්රික් පාර්ලිමේන්තු මන්ත්රී අලි සබ්රි රහීම් ඇප මත නිදහස් කර තිබේ.
ඒ, අද දහවල් ඔහුව පුත්තලම වැඩබලන මහේස්ත්රාත්වරයා හමුවට ඉදිරිපත් කිරීමෙන් අනතුරුවයි.
ඔහුව රුපියල් ලක්ෂ 02ක ශරීර ඇපයක් මත මුදාහැරීමටයි වැඩබලන මහේස්ත්රාත්වරයා එහිදී නියෝග කර ඇත්තේ.
එමෙන්ම ඔහුට ජුලි 22 වනදා අධිකරණය හමුවේ පෙනී සිටින ලෙසත් වැඩබලන මහේස්ත්රාත්වරයා නියෝග කර ඇත.
අලි සබ්රි රහීම් මන්ත්රීවරයාට එරෙහි නඩුවකදී තුන්වරක්ම අධිකරණයට ඉදිරිපත් නොවී මඟහැරීම නිසා ඔහුව අත් අඩංගුවට ගන්නා ලෙස කල්පිටිය සංචාරක මහේස්ත්රාත් අධිකරණය විසින් පසුගිය ජුලි 08 වනදා වරෙන්තු නිකුත් කර තිබුණු අතර ඔහු අද පෙරවරුවේ කල්පිටිය පොලිසියට පැමිණි අවස්ථාවේදී ඔහුව අත් අඩංගුවට ගෙන තිබිණි.
