කළුතර දිස්ත්‍රික් පාර්ලිමේන්තු මන්ත්‍රී රෝහිත අබේගුණවර්ධන මහතාගේ දියණියව අත් අඩංගුවට ගැනීම සඳහා පානදුර, වලාන දුෂණ මර්දන ප්‍රහාරක ඒකකයේ නිලධාරීන් කළුතර පිහිටි ඇයගේ නිවසට ගිය ද සැකකාරිය හා ඇගේ සැමියා එම නිවසේ නොසිටි බව වාර්තා වේ.
නීතිවිරෝධී ලෙස එකළස් කරන ලද ජීප් රථයක් සම්බන්ධයෙන් සිදුකෙරෙන විමර්ශනයකට අදාළව ඊයේ (19) පස්වරුවේ ඇයව මෙසේ අත් අඩංගුවට ගැනීමට ගොස් තිබේ.
මෙම සැකකටයුතු ජීප් රථය සමග සමගි ජන බලවේගයේ පාර්ලිමේන්තු මන්ත්‍රී ජගත් විතාන මහතාගේ පුත්‍රයා වන රසික විතාන ඊයේ පස්වරුවේ පානදුර, වලාන දුෂණ මර්දන ප්‍රහාරක ඒකකයේ නිලධාරීන් මතුගම නගරයේදී අත් අඩංගුවට ගෙන තිබිණි.
ඔහුගෙන් ප්‍රශ්න කිරීමේදී එම ජීප් රථය රෝහිත අබේගුණවර්ධන මහතාගේ දියණියගෙන් මිලදී ගත් බව අනාවරණය වී ඇති බව සඳහන්.
