සටහන – රෂිකා හෙන්නායක
කොළඹ (LNW): අද (20) පෙරවරුවේ මාතලේ පැවති ශ්රී ලංකා රාමඤ්ඤ මහා නිකායේ 73වන ජාතික උපසම්පදා විනය කර්ම සමාරම්භක රාජ්ය මහෝත්සවයට එක් වෙමින් ජනාධිපතිවරයා පැවසුවේ කෘතිම බුද්ධිය භාවිතයට ගැනීමේ වැඩපිළිවෙළක් ද ක්රියාවට නංවන බවයි.
ජනාධිපති රනිල් වික්රමසිංහ මහතා අවධාරණය කරන්නේ, ථේරවාදී බුදු දහම සුරක්ෂිත කර ජාත්යන්තරයේ ව්යාප්ත කිරීමේ වගකීම ඉටු කිරීමට කැපවන බවයි.
එහිදී වැඩිදුරටත් අදහස් දක්වමින් ජනාධිපතිවරයා කියා සිටියේ, ත්රෛනිකායික මහා සංඝරත්නයේ අවවාද අනුශාසනා ලබා ගනිමින් උගත්, වියත් පිරිසකගේ දායකත්වයෙන් එම කටයුතු ක්රියාවට නැංවීමට අපේක්ෂා කරන බවයි.
මෙහිදී ජනාධිපතිවරයා අතින් රාමඤ්ඤ මහා නිකායේ මහානායක අතිපූජ්ය මකුලෑවේ විමල නායක ස්වාමීන් වහන්සේට “දර්ශන විශාරද” උපාධි ශ්රී සන්නස්පත්රය හා විජිණිපත පිළිගැන්වීම ද සිදු කෙරුණා.
තවද, ශ්රී පාදස්ථානාධිපති ඌව වෙල්ලස්ස විශ්වවිද්යාලයේ කුලපති ආචාර්ය පූජ්ය බෙංගමුවේ ධම්මදින්න නායක ස්වාමීන්වහන්සේට හා පූජ්ය මුගුණෙවෙල අනුරුද්ධ ස්වාමීන් වහන්සේට ගෞරවනාම සන්නස්පත්ර පිළිගැන්වීම ද ජනාධිපති රනිල් වික්රමසිංහ මහතා අතින් ලබා දීම මෙහිදී සිදු විය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??