නිශ්මං රණසිංහ ජූලි 21, කොළඹ LNW:
ශ්‍රී ලංකා ඒ කණ්ඩායම ඔස්ට්‍රේලියා ඒ කණ්ඩායමට එරෙහිව වැදගත් තැනෙක රැදවීම සඳහා අගනා ශතකයකින් දායක වූ නුවනිදු ප්‍රනාන්දුගේ මඟම යමින් පවන් රත්නායක සහ සොනාල් දිනූෂ ද ශ්‍රී ලංකා පළමු ඉණිම ගෞරවණීය තැනෙක රඳවන්නට සිය උපරිම දායකත්වය ලබා දුන්නේය.පවන් පන්දු 223 න් හතරේ පහර 16 ක් සමඟ ලකුණු 122 ක් රැස් කළේය.සොනාල් දිනූෂ පන්දු 191 ට මුහුණ දී රැස් කළ ලකුණු ප්‍රමාණය ලකුණු 88 ක් විය.වැදගත්ම දේ මොවුන් දෙදෙනා පස්වන කඩුල්ල වෙනුවෙන් තබන ලද ලකුණු 270 ක සබඳතාවයයි.මොවුන් දෙදෙනාගෙන් අනතුරුවද කැපී පෙණෙන පිතිහරඹයක නියැලි ශොහාන් ඩි ලිවේරා ශ්‍රී ලංකා ඉණිම කඩුලු 6 ට ලකුණු 485 ක් ව තිබියදී අත් හිටුවන විට නොදැවී ලකුණු 50 රැස් කර ගෙන සිටියේය.
ඔස්ට්‍රේලියා ඒ කණ්ඩායම අද දවස නිමාවට පත් කළේ එම ලකණු පූවරුවෙන් ඇති කළ පීඩනයට මුහුණ දීමට සූදානම් බවට ඉඟි සපයමින්ය.දිනය නිමා වන විට ඔවුන් එක් කඩුල්ලක් අහිමිව ලකුණු 76 ක් රැස් කරගෙන සිටියේය.ඔස්ට්‍රේලියාවට දැවී ගිය කඩුල්ල අහිමි කළේ නිශාන් පීරීස් ය.
තරගයේ තෙවන දිකය හෙට ඇරඹීමට නියමිතය.මේ දක්වා තරගයේ ලකුණු පූවරුවට පහතින් පිවිසිය හැකිය.
https://bit.ly/4lENMus
