ජනාධිපතිවරණය ප්රකාශයට පත්කරන්න මැතිවරණ කොමිසමට බලය ලැබුණේ පසුගිය සතියේ. ඉතින් මේ වෙද්දී හැමෝගෙම අවධානය යොමුවෙලා තියෙන්නේ මැතිවරණ කොමිසම දිහාවට.
ජනාධිපතිවරණ දිනය සහ නාමයෝජනා භාරගැනීමේ දිනය මේ සතිය තුළ නිවේදනය කරන්න බලාපොරොත්තු වෙනවාය කියලා මැතිවරණ කොමිසමේ සභාපතිවරයාත් පසුගිය දිනයක කියලා තිබුණා.
ඒ අනුව ඒ නිවේදනය මේ සතිය මැද නිකුත් කෙරේවි කියලායි දේශපාලන ආරංචිමාර්ග කියන්නේ. ඇතැම් විට ඒ නිවේදනය ජුලි 24 වෙනිදා නිකුත් වෙන්න පුළුවන් කියලා කතාවකුත් පැතිර යමින් තියෙනවා.
කොහොමවුණත් මැතිවරණ කොමිසම ජනාධිපතිවරණය ප්රකාශයට පත් කරපු ගමන් දින දෙකක් හෝ තුනක් තුළ ශ්රී ලංකා පොදුජන පෙරමුණ තමන්ගේ අපේක්ෂකයා කවුද කියලා ප්රකාශයට පත්කරන්න නියමිතයි ලු. ඒ අනුව, මැතිවරණ කොමිසමේ නිවේදනය සතිය මැද නිකුත් වුණොත් ජනාධිපතිවරණ අපේක්ෂකයා සම්බන්ධයෙන් පොහොට්ටුවේ තීරණය පක්ෂ නායක මහින්ද රාජපක්ෂ මහතා විසින් සිකුරාදා දිනයේදී හෝ සති අන්තයේදී ප්රකාශයට පත්කරාවි කියලායි ආරංචිමාර්ග දැනට කියන්නේ.
22 වැනි ආණ්ඩුක්රම ව්යවස්ථා සංශෝධනය නිසා ජනතාව තුළ යම් ව්යාකූල තත්වයක් ඇතිවෙලා තියෙන මොහොතක් මේ. ඉතින් මේ දේවල් මෙහෙම වෙයිද නොවෙයිද කියන ප්රශ්නයකුත් නැතිවා නෙවෙයි. මේ සතිය ඇතුළේ බොහෝ තීන්දු තීරණ ගැනෙන්න නියමිත බව නම් පැහැදිලිවම පේන්න තියෙනවා. ඉතුරු ටික බලාගෙන ඉන්නයි තියෙන්නේ ….
RN
