රෂිකා හෙන්නායක ජූලි 22, කොළඹ (LNW):
ඊයේ (21) රාත්‍රී 10.00ට පමණ , මිද්දෙණිය ගල්පොත්තයාය – ජුලම්පිටිය මාර්ගයේදී වෙඩි තැබීමක් සිදුව තිබෙන බව පොලිසිය පවසයි.
එහි ඉලක්කය වී තිබුණේ ශ්‍රී ලංකා නිදහස් පක්ෂයේ ප්‍රාදේශිය සභා අපේක්ෂකයෙක් බව පැවසේ .
ඔහු සිය වෙළෙඳසැල වසා බිරිඳ සමග යතුරුපැදියෙන් නිවාස බලා ගමන්කරමින් සිටියදී මෙම වෙඩි තැබීම සිදුකර ඇති අතර , එහිදී 42 හැවිරිදි පිරිමි පුද්ගලයාට වෙඩි වැදී ඇති අතර ඔහුගේ බිරිඳ ට තුවාල සිදුවී ඇත්තේ යතුරුපැදිය පෙරළීම හේතුවෙනි.
දෙදෙනාම ප්‍රතිකාර සඳහා මිද්දෙණිය රෝහලට ඇතුළුකර තිබේ. පසුව බිරිඳ ව වැඩිදුර ප්‍රතිකාර සඳහා ඇඹිලිපිටිය රෝහලට මාරුකර යැවූ බව පොලිසිය පවසයි.
පොලීසිය පැවසුවේ ,වෙඩි තැබීම සඳහා මෙරට නිෂ්පාදිත ගිනි අවියක් යොදාගෙන ඇති අතර වෙඩික්කරු එය එම ස්ථානයේ දමා පළාගොස් ඇති බවයි.
