සටහන – පුලී
මාර්තු 05, LNW (කොළඹ): බීමතින් රිය පැදවීම සම්බන්ධයෙන් සැකපිට Britney Spears කැලිෆෝනියාවේදී අත්අඩංගුවට ගෙන ඇතැයි විදෙස් මාධ්‍ය වාර්තා කරයි.
ඉකුත් බදාදා රාත්‍රී 9:30 ට පමණ කැලිෆෝනියා අධිවේගී මාර්ග මුර සංචාරයේදී මෙම හොලිවුඩ් ගායිකාව අත්අඩංගුවට ගන්නා ලදී.
ඇය බ්‍රහස්පතින්දා අලුයම නිදහස් කරන ලද අතර මැයි 4 වන දින වෙන්චුරා ප්‍රාන්ත උසස් අධිකරණයේ පෙනී සිටීමට නියමිතය.
ඇය අත්අඩංගුවට ගත් පුවත වාර්තා වීමත් සමඟ බ්‍රහස්පතින්දා ඇගේ ඉන්ස්ටග්‍රෑම් ගිණුම මකා දැමූ බවක් ද පෙනෙන්නට තිබුණි.
Britney යනු හොලිවුඩ් සංගීත ඉතිහාසයේ වඩාත්ම සාර්ථක පොප් තරුවක් වන අතර, Toxic, Everytime, Gimme More, Womanizer, Stronger සහ Baby One More Time වැනි ජනප්‍රිය ගීත ද ඇයගේ නිර්මාණයන් අතර විය.
