සටහන: සශිකලා මධුෂාණි
ජුලි 22; ලෝකය(අවුට්බවුන්ඩ් ටුඩේ): ජනාධිපති ඩොනල්ඩ් ට්‍රම්ප්ගේ විධායක නොයෝග අනුව යමින් 1968 දී මාටින් ලූතර් කිං ජූනියර් ඝාතනයට සම්බන්ධ FBI නිරීක්ෂණ ලිපිගොනු 230,000 කට වඩා නිකුත් කර ඇති කර ඇති බව වාර්තා වේ.
ඡන්දය ප්‍රකාශ කිරීමේ අයිතිය, වර්ගීකරණය ඉවත් කිරීම, කම්කරු අයිතිවාසිකම් සහ අනෙකුත් සිවිල් අයිතිවාසිකම් සඳහා පෙළපාලිවලට සහභාගී වී නායකත්වය දුන් කිං1968 අප්‍රේල් මාසයේදී ටෙනසිහි මෙම්ෆිස්හිදී ඝාතනය කරන ලකවිය. ඒ සමබන්ධයෙන් වරදකරු ලෙස සිරගත කර සිටි ජේම්ස් අර්ල් රේ 1998 දී බන්ධනාගාරයේදී මිය ගිය නමුත් කිංගේ දරුවන් ඔහු ඝාතකයා බවට සැක පළ කර ඇත.
1977 සිට කිංගේ වාර්තා අධිකරණය විසින් මුද්‍රා තබා තිබුණු අතර මේ සම්බන්ධයෙන් විශේෂ නිවේදනයක් නිකුත් කරමින් ජාතික බුද්ධි අධ්‍යක්ෂ තුල්සි ගැබාර්ඩ් මෙම නිකුතුව සම්බන්ධයෙන් සඳහන් කර තිබුණේ, මෙම අවස්තාව පෙර නොවූ විරූ හා සම්පූර්ණ විනිවිදභාවය සහිත එකක් වශයෙනි.
කෙසේ නමුත් මේ සමබන්ධයෙන් මාටින් ලූතර් කිං ජූනියර්ගේ දරුවන් දෙදෙනා දීර්ඝ ප්‍රකාශයක් නිකුත් කරමින් සඳහන් කර තිබුණේ, මෙම ලිපිගොනු නිදහස් කිරීම හරහා මාටින් ලූතර් කිං නාමය සහ පුළුල් ඇමරිකානු සිවිල් අයිතිවාසිකම් ව්‍යාපාරය අපකීර්තියට පත් කිරීම, විසුරුවා හැරීම සහ විනාශ කිරීම සිදු වන බවයි.
එක්සත් ජනපද ජනාධිපති ට්‍රම්ප් බලයට පත්වීමෙන් පසු විධායක නියෝගයක් අත්සන් කරමින් හිටපු ජනාධිපති ජෝන් එෆ් කෙනඩි සහ හිටපු සෙනෙට් සභික රොබට් එෆ් කෙනඩි යන අයගේ ඝාතනවලට අදාළ ලේඛණයන්ද නිකුත් කර ඇත.