කොළඹ LNW: සමඟි ජන බලවේගයෙන් කණ්ඩායමක් රනිල් වික්‍රමසිංහ ජනාධිපතිවරයාගේ පාර්ශවය සමඟ එක්වීමට නියමිත බවට අවස්ථා ගණනාවකදීම කියවුණු නමුත් එවැන්නක් සිදුනොවන අතර ජනාධිපතිවරණය ප්‍රකාශයට පත්කිරීමෙන් පසු යම් කිසිවක් හෝ එලෙස යන්නේ නම් ඒ බංකොලොත් අය පමණක් වන බවත් සමඟියෙන් එලෙස කිසිවෙකු හෝ ආණ්ඩුව පාර්ශවයට යනු ඇතැයි තමන් විශ්වාස නොකරන බවත් සමඟි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා පවසයි.
මේ සතිය අවසන් වීමට පෙර මැතිවරණ කොමිසම විසින් ජනාධිපතිවරණයට අදාළ දිනය ප්‍රකාශයට පත්කරනු අතර සමඟි ජන බලවේගය මැතිවරණයට සූදානම් බවයි අත්තනායක මහතා සඳහන් කරන්නේ.
කවුරුන් හෝ රට ස්ථාවර තැනකට ගෙන ඇත්නම් එය හොඳ දෙයක් වන අතර දැන් අවශ්‍ය වන්නේ එතැන් සිට ඉදිරියට යාම වන බවත් එලෙස ඉදිරියට යන්නේ කුමන කණ්ඩායමක් සමඟද යන්න ජනතාව තීරණය කළ යුතුව ඇති බවද හෙතෙම කියාසිටියි.
මන්ත්‍රීවරයා මෙම අදහස් දක්වා සිටියේ මහනුවරදී මාධ්‍ය වෙත කරුණු දක්වමිනි.
ආශිකා බ්‍රාහ්මණ
