මේ වන විට ඇතන්ස්හි පුරාණ ඇක්‍රොපොලිස් ඇතුළු සංචාරක ස්ථාන වසා දමා ඇති අතර මිනිසුන්ට නිවසේ රැඳී සිටින ලෙස සෞඛ්‍ය අංශ උපදෙස් ලබා දී ඇත.
ග්‍රීසියේ සංචාරක ආකර්ෂණය වැඩිදුරම දිනා ගනු ලබන රෝඩ්ස් දූපතේ විශාල ප්‍රදේශයක් පුරා පැතිර යන ලැව්ගිනි තත්වය හේතුවෙන් 3500කට අධික පිරිසක් ආරක්ෂිත ස්ථානකරා යොමුකර ඇති බව ග්‍රීසියේ දේශගුණික අර්බුද සහ සිවිල් ආරක්ෂණ අමාත්‍යාංශය වාර්තා කර තිබේ.
රටේ ගිනි නිවන සේවය දැනට මුහුණ දෙන දුෂ්කරම ගින්න ලෙස මෙම ලැව් ගින්න හඳුන්වා ඇති අතර ස්ලෝවැකියාවේ ගිනි නිවන භටයින් ද මේ සඳහා සහය දක්වනු පිණිස සමබන්ධව ඇත. මේ වන විට හෙලිකොප්ටර් පහක් සහ ගිනි නිවන භටයින් 173ක් එම ප්‍රදේශයේ ක්‍රියාත්මක වෙමින් පවතියි.
ග්‍රීසියට බලපාන ලද උණුසුම් තාප තරංග තවදුරටත් ක්‍රියාත්මක වන බව විද්‍යඥයන් පුරෝකතනය කර ඇති අතර ඔවුන් වැඩිදුරටත් සඳහන් කරන්නේ එළැඹෙන සතිය තුළ උෂ්ණත්වය සෙල්සියස් අංශක 45 (113F) දක්වා ඉහළ යා හැකි බවටයි. එය වසර 50කට පසු ග්‍රීසියේ උණුසුම්ම සතිය වනු ඇත.
මේ වන විට ඇතන්ස්හි පුරාණ ඇක්‍රොපොලිස් ඇතුළු සංචාරක ස්ථාන වසා දමා ඇති අතර මිනිසුන්ට නිවසේ රැඳී සිටින ලෙස සෞඛ්‍ය අංශ උපදෙස් ලබා දී ඇත.
සශිකලා මධුෂාණී_ (outbound today )
